金像奖40丨许冠文获「终身成就奖」感谢许氏三兄弟　哽咽念挂已故弟弟许冠英

2022-07-17 20:48

许冠文由黄子华手中接过「终身成就奖」，他谦称自己没有太多成就：「唔知讲乜，40年前第一届攞咗『最佳男主角』，以为奖杯陆继有来，等咗40年一个都冇。唔觉得自己有终身成就，只觉好命，多谢梁淑怡、李瀚祥、邹文怀及家人。」

他台上感激多年来与他一齐成长、合作无数的两位兄弟许冠英和许冠杰，他扮冠英口吻指一向不敢驳大哥嘴，因为许冠文声大夹恶、固执倔强、但讲嘢又最叻。许冠文哽咽感谢冠英：「你讲嘅嘢全部都啱！许冠英去咗天堂，相信佢睇住，冇咗佢唔得，好挂住佢，呢个奖大部份属于你。」

许冠文又逐一多谢家人，包括子女许思维、许思行、孙仔等，有份帮他度桥及是灵感来源。另外，还特别多谢太太郑洁英，他说：「太太系所有我嘅喜剧灵感来源，佢有好乐观嘅人生态度，天跌落嚟就话明天更好。喺我山穷水尽时想拍悲剧，佢话生活仲唔够悲咩，睇新闻都得，一定要拍喜剧。香港人喊都系要笑着哭，我拍喜剧都系拎住呢个宗旨。即使未来日子面对困难时光，我哋明天都会更好，香港精神，喊都会笑住嚟喊！」

许冠文获颁「终身成就」奖。

由黄子华负责颁发。

许冠文受访表示会跟儿子和孙食饭庆祝，笑指已十几岁的孙是他的顾问教他很多。问到觉得自己最大成就是甚么，他重申太太讲得很对，自己久没拍戏因不知拍甚么，想拍悲剧但有人对他讲天天看新闻已是段段悲剧，叫他别拍悲剧，就算要哭也要笑著哭，要他保持心里一团火，香港是最靓和最有机会的地方，大家几辛苦也要笑著哭，香港一定得。