独家丨麦明诗母亲爆囡囡考女拔怕丑事迹 出书助家长解决子女成长难题

「十优港姐」麦明诗一屋叻人，哥哥麦明山是专科医生；爸爸是退休中学校长；妈妈麦何小娟从事儿童发展及治疗超过35年。今年书展，麦妈妈再次出书《轻轻松松不做虎妈》，畀贴士家长如何解决子女成长遇到嘅难题，她回想起麦明诗当年面试女拔小学时，经已好有主见，仲大胆请校长食「柠檬」。采访：方骞平 摄影：沈健程

育有学霸子女，加上系专业儿科治疗师，麦明诗妈妈出书分享育儿心得。

麦妈妈出书，仔女及老公齐到书展撑场。

5年前，麦明诗妈妈麦何小娟出过著作《我的女儿麦明诗一张白纸到10优的培育经历》，分享培育子女心得，处女作获得香港金阅奖。对于新著作，麦何小娟形容好似武林秘笈，会提及子女一言「九」顶、过度活跃、拖延症等令家长迷茫嘅问题，她强调，教好一个细路仔，唔系要疯狂去催谷佢哋入到名校，甚至精英班就系胜利组，咁样就会跌进虎妈陷阱，小朋友喺高压方式下好易出事，应该从小观察小朋友性格，针对佢哋缺点嚟培训，然后发掘佢哋潜能。 

5年前麦妈妈出过《我的女儿麦明诗》著作。

麦爸爸都要撑。

温馨家庭对子女成长好重要，父母结婚37周年，麦明诗两兄妹同父母庆祝。

麦明诗曾经好冇自信

麦何小娟举例说：「麦明诗细个比较文静，因为佢细过哥哥3岁，加上哥哥一直系焦点人物，佢成日觉得唔够哥哥叻，有段时间冇乜自信，就算佢可以跟哥哥升埋同一间小学，我都刻意分开佢哋，唔想麦明诗喺哥哥阴影下长大，冇比较就冇伤害，仲会训练佢沟通能力。」她好记得当年女拔就算报课外活动都好有竞争：「但我一啲都唔担心佢，由得佢报校外喜欢嘅唱歌跳舞课程。」麦明诗目前搵到自己追求嘅嘢，麦妈妈坦言放心晒。

麦妈妈唔想女儿永远活喺哥哥阴影下，安排佢哋分开学习。

麦明诗系「十优港姐」，哥哥都系专科医生，麦家一屋叻人。

提到麦明诗当年面试女拔小学，麦何小娟表示，「因为家长不能在场，事后麦明诗只简述，话面试时校长要求佢唱歌，但她回答：『我唔想唱喎！』但佢冇解释点解唔唱，只系话自己唔想唱。」，麦妈妈估计阿女怕丑。

小学面试时麦明诗跟校长说唔想唱歌，咁有性格反而令佢加分。

星岛新闻集团庆回归25周年专题网站，请即浏览

立即下载 | 全新《星岛头条》APP https://bit.ly/3yLrgYZ