汤洛雯自认易相处跟马国明同居未试过嗌交

2022-08-05 16:30

汤洛雯（靓汤）今日到马鞍山出席主题活动，久未露面的她透露早前拍完剧后，因胃炎而休息1个月。靓汤月尾便会到澳洲工作，她笑指可能男友马国明会觉得好开心好自由，但又自爆对方本来想跟她一起去，但因隔离及工作问题而搁置。

提到与马明同居，靓汤解释早前因疫情严重，怕开工后有机会被感染后传给家人，所以两人在将军澳租屋，现在疫情缓和后大家都经常各自返家，故之后应该都不会继续租住。两人同居生活如何？靓汤说：「都OK嘅，两个都唔系难相处嘅人，我哋都系比较就得对方嘅人，加上佢唔系特别好多要求、我又冇乜所谓，（冇嗌交？）当然都有少少，都系好小事，我哋有咩都会讲，唔会变嗌交。」马明是否嫁得过？靓汤变得突然怕丑说：「大前提都系嫁得过先拍拖，（有冇倾结婚？）有讨论过，但都系果句，我哋有就会公布，始终而家比较混乱，都唔想plan任何嘢住。」

汤洛雯同陈欣妍一齐出席活动。

汤洛雯话佢同马国明都唔系难相处嘅人，同居生活愉快。

与TVB合约仍有一段时间

对于爸爸汤镇宗早前接受大陆传媒访问诗，鼓励靓汤离巢往外闯，靓汤指自己没有看过该访问，但她认为爸爸意思是希望她能作多方面发展：「我都仲有一段时间喺公司，仲有约。」问到是否想到大陆发展？她说：「边度有商机就去边度，（咁要同马明分开）可能佢返去先呢，呢个商机似乎佢多啲，当然去边度都冇乜所谓，外国有工作当然非常之欢迎，最好系我哋可以一齐去工作一齐去旅行，又可以寓工作于娱乐。」