林嘉欣畏高天台开工惊到面青回忆澳洲挑战攀拱桥自称撞邪

2022-08-10 09:00

林嘉欣最近接拍广告，与两位饰演女儿的小演员进行野餐、洗衫、晾衫等亲子活动，她不时微笑又细声说话，但镜头一转，就见站在天台上的她皱晒眉，原来因为畏高，她说：「真系好惊，好彩呢个镜头我面向屋外，导演安慰我，叫我专心欣赏风景，我个样惊到面青。」

林嘉欣在地面开工时，表现轻松。

林嘉欣期间仲有讲有笑。

虽然嘉欣畏高，但她曾登上世界上最高的钢铁拱桥悉尼海港大桥（Sydney Harbour Bridge），她笑言是一次「撞邪事件」：「某年去澳洲拍戏，唔知系咪个人飞咗去第二度特别大胆，总系好想做啲平时唔敢做嘅事，我竟然主动报名参加攀登Sydney Harbour Bridge导赏团，仲帮埋啲同事报名，条桥好高，唔知点解突然好想冲破自己，挑战吓。」

嘉欣坦言当日早上已紧张肚痛，但已拖同事落水惟有顶硬上：「因为得一条路，开始咗行就无得返转头，我怕高，一直向上望，上到顶对脚开始用唔到力，但回程嘅时候要向下望，好清楚望到脚下啲车喺条桥好繁忙，克服唔到，好惊。我嘅PatPat黐住咗喺地下梯级唔郁得，因为顶住后面其他人，结果我几乎回程都用PatPat『行』落楼梯。」