阿仪揸电单车唔识收掣吓亲人 霸气回应网民性骚扰留言

「亚视一姐」阿仪（薛影仪）早前被爆曾遭亚视拖粮，事后她受访直认曾被拖粮几个月，而6、7月亦未知是否已出粮，又呻近月工作量亦减少。而日前她出席一个与赛车相关的活动，以赛车女郎打扮上阵，于IG晒出新相时，亦有不少网民关心她出咗粮未，不过一向喜欢与网民对话的阿仪，这次就没有回覆出粮相关问题。

 

阿仪早前被爆曾遭亚视拖粮。

 

阿仪（右7）日前以赛车女郎打扮出席活动。 ​

 

阿仪（左）影相惯咗唔笑，但心情应该唔错。

 

企到好直同恐龙影相。

 

阿仪似乎都唔系好担心出咗粮未，看她于活动上都玩得好开心，更大胆上阵玩电单车，不过就因为唔识收掣，一上车就畀油不断向前冲，差啲就人车分离，睇片都觉得危险，连一旁的工作人员都吓到追住阿仪。虽然工作人员有赞阿仪表现已经好好，但他身体却很诚实，即时骑上电单车，等阿仪无机会再试车。
 

阿仪大胆上阵玩电单车。

 

阿仪一上车就狂畀油，已经人车分离，都唔缩手。

 

阿仪搞到部电单车争啲起飞。

 

工作人员细心讲解点收油。

 

阿仪信心满满再出发。

 

阿仪再次上车，即刻好似想飞甩个工作人员咁向前直冲。

 

又人车分离啦！工作人员狂奔救阿仪。

 

工作人员口就赞阿仪做得好，但好明显唔打算再畀阿仪上车。 ​

 

影片上载IG后，网民就质疑阿仪算唔算无牌驾驶，又赞阿仪好大胆。不过有啲网民睇到阿仪的赛车女郎打扮，就留言问「阿仪你个衰妹件衫入面有冇戴罩」等性骚扰言论，阿仪就霸气回应：「你问埋啲无聊嘢！」唔多想理会恶意留言的阿仪，之后都无视其他含欺凌成份的留言。

 

阿仪一身赛车女郎打扮都引起网民讨论。

 

有网民留言讲啲疑似性骚扰言论，阿仪未惊过。

 

有网民关心阿仪仲有冇被亚视拖粮。

 

阿仪IG留言区经常充斥住大量恶意留言。

 

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ