张敬轩暌违逾3年再办签唱会现场叫Fans为受伤阿Mo打气

2022-08-21 17:30

张敬轩今日（21日）到旺角出席《THE BRIGHTEST DARKNESS(SACD)》签唱会，虽然只为500名Fans签名，但就吸引过千Fans围观，塞满4层楼，场面非常墟撼。轩仔在活动中唱出《一个人的地球》及《俏郎君》等三首歌外，更加码Encore了《重头开始》，又宣布将在圣诞举行演唱会，以及接拍一套喜剧动作剧情片。而一向关心MIRROR演唱会事故的他，更叫现场所有Fans一起为仍在病床上的阿Mo（李启言）打气。

张敬轩在现场唱出4首歌慰劳Fans，因他知道凌晨4点已有Fans到场等待他。

现场有过千Fans。

轩仔事后接受访问时表示已41个月没举行签唱会，加上知道有Fans在凌晨4点到场，所以才会以Encore报答大家。提到年底举行的演唱会，他透露将在会展举行：「开好少咋，因为中间仲隔咗个新城颁奬典礼，而家睇紧系咪要share舞台，啲细节要再倾，但就有咁嘅计划。（大家又要抢飞！）唔会啦，咁多骚睇，希望大家多多支持，同埋都未试过一年开两次骚。」有传陈奕迅也会在年底开演唱会，他说：「大家工作咁辛苦，又或者因为疫情压力咁大，适当嘅娱乐都好紧要，只要喺防疫安全嘅情况下，有返演唱会系好，我都好期待Eason嘅演唱会。」

张敬轩透露圣诞节将会再开骚。

影返张大合照。

张敬轩即场为500名Fans签名。

轩仔指一直有了解阿Mo的情况：「今日嘅新闻大家都睇到，佢有啲进展，虽然比较缓慢啲，但都系向好嘅。我觉得我哋而家可以做到嘅，都系为佢打气，等佢好好地去面对治疗。」轩仔又谓自己亦曾试过住院，故会明白对方心情起伏，更指若知道外面有人为自己打气，心情都会好一点。问到是否有跟阿Mo倾谈？他説：「未，都唔想打搅佢，但我哋有中间人一直update佢嘅情况。」轩仔又指自己与容祖儿也曾跟阿Mo合作，觉得对方是一个很有正能量，好叻又好乖的人。

张敬轩好关心MIRROR演唱会事故。

阿Mo（右）仍然留医中，但情况有好转。

对于有指阿Mo女友So Ching心情仍未恢复，轩仔説：「其实我谂佢呢个阶段，佢身边嘅人甚至系Fans或者我哋行内嘅朋友嘅支持系好重要，因为我相信So Ching呢段日子系好难过，唔系我哋想像到嘅难过，佢一个人都要面对好多，同埋要学照顾病者、喺医院嘅时候点帮到阿Mo，所以呢个阶段意志力同精神上嘅支持系紧要啲。我相信喺具体医疗上，阿Mo有团队有好多Support，所以我觉得系呢件事上作为同业，可以做到嘅就系精神上畀多啲支持。」