防弹V Jennie再爆热恋证据男方3400万港元豪宅𨋢口黐实合照曝光

2022-08-25 16:30

韩国两大超红组合BTS及BLACKPINK的成员V仔、Jennie爆出绯闻，继今年5月两人被游客偷拍同游济州岛的照片后，本周二又有一张V仔在化妆室整头照片流出，相中更见到Jennie在V仔身后拎手机拍住V仔，而V仔更展现怕羞笑容。但全球ARMY(BTS Fans昵称)继续唔相信偶像有拖拍，继指游济州的相片是合作图片后，又指化妆室合照同样是P图，更放大图片分析光暗位，相当好笑。

今年5月，两人同游济州被游客偷拍放上网，当时大量Fans话系合成图。

Jennie有一副一模一样嘅黑超。

化妆室同框照，睇吓V仔笑得几怕丑。

有Fans即搵出Jennie旧照，发现佢有同相中人一样嘅手鍊。

Jennie亦有一样的手机壳及外套。

从V仔衣著可见，应该是今年6月出发去巴黎出席YSL时装展前，Jennie陪佢整头，临出发前见到女友所以V仔超风骚。

当Fans仍在沉醉分析化妆室同框照真假时，寻晚Twitter爆料人唧牙膏式再放V仔同Jennie的新合照，还附加非常挑衅性的留言，「JENNIE真系好锺意同BTS的泰亨合照，仲好锺意同朋友分享合照，或者记者可以喺两人喺美国期间问吓佢哋系咩关系。」

爆料者嘅Twitter帐号系新开，首个PO就系贴化妆室同框照。

第二个PO就串爆Jennie好锺意同朋友晒跟V仔嘅合照。

新相是两人穿上白Tee加深绿裤情侣装在等电梯，Jennie黐实V仔对镜自拍，从现场环境可见，是V仔于19年一炮过以51亿韩寰（约3400万港元）购入，位于首尔江南区三城洞的SK Apelbaum 3000尺豪宅电梯位，翻睇V仔的IG，发觉V仔都好锺意喺同样位置自拍「今日着咩衫」。

情侣装上阵。

留意右下角放喺地下嘅画，合照中亦可见到。

自拍位。

V仔好锺意等电梯玩自拍。

虽然证据确凿，但有好多Fans仍然觉得系P图。

好固执呀啲Fans。

有指图片出自Jennie的私人IG，有网友疑惑女方是否被亲友出卖，但亦有心水清Fans觉得Jennie有心流出合照宣示主权。对于同框合照不断曝光，又有指两人将因工作同到纽约有机会约会。Jennie所属经纪公司YG提到，BLACKPINK在今日(25日)前往美国后，要参加MTV VMAs，以及宣传第二张正规专辑，「预计会消化各种紧凑的行程」，似乎想用「工作忙碌」、「冇时间」来间接回应Jennie唔会同V仔喺纽约约会。