袁伟豪「食软饭」觉得受欺凌认面皮厚走样关甩发事

2022-09-02 15:30

41岁的袁伟豪于2020年娶富贵妻张宝儿，此后被封为「亿万驸马」，网民笑指「入赘」女家。前年二人出席台庆时，袁伟豪再被指婚后走样兼衰老，当时他已即在社交网发长文回应负面批评，称会继续努力做好自己，被网民寸EQ低。事隔两年，袁伟豪刚从外地返港隔离期间，趁老婆张宝儿在IG开直播时，就于临尾半小时现身，更重提「食软饭」及「入赘」女家事件，大讲心底话，主动为自己平反。

袁伟豪于2020年娶张宝儿。

袁伟豪好介意被人取笑「入赘」女家。

而家系逆龄

袁伟豪刚加入直播时，边搽护肤品为脸部保养，获得老婆赞赏，不过因为太大力，令张宝儿有微言，他就说：「我面皮厚，要大力少少」，之后他疑不满网民的冷嘲热讽，当有人指他老了不少时，就表示：「老了不少？呢啲唔好讲，你识咗我廿几年，梗系老，你哋成日记住我30岁嗰时，点同呢。」老婆张宝儿就乘机为老公平反︰「对于啲人话你老，我真系好想讲一句，其实好多人老去系正常，点解老唔值得去欣赏，后生有后生嘅活力，但老真系经过好多人生阅历，人生更加丰富同沉稳，应该值得欣赏，呢两年你keep得好好，你经历完咁多辛苦，你而家系反弹、逆龄，状态好咗好多，佢真系做咗好多功夫。」

得到张宝儿帮口，袁伟豪就得戚说︰「老婆真系帮我讲说话，话我逆龄。因为我识得好劲嘅招数嚟保养……四个字，你哋估下。」网民即估︰「早睡早起」、「葵花宝典」、「扮乐易玲」等，二人见到「扮乐易玲」即大笑出来，不过袁伟豪开估是「采阴补阳」，张宝儿说：「即系听晒老婆话啦！」他则指是成人话题，深夜两点是时候讲呢啲。他解释被指走样残爆，事实上因当时同期拍《ICAC》及《法证先锋V》，在不足休息时间又大压力之下，才会拍至甩头发，身体亦因此变差。

袁伟豪前年与张宝儿出席台庆时，被指婚后走样兼衰老。

袁伟豪加入老婆的直播，正搽护肤品为脸部进行保养。

啲人无良心

袁伟豪深夜放负，自言因被指「食软饭」曾情绪低落，听得出他为此事耿耿于怀：「传媒集中报道点样去置业，我点样嫁咗俾你，我点样食软饭，每一句每一句好少嘅说话或者每一次好简单嘅报道，其实系逐少逐少注入我内心，当然会唔开心啦，咁多年嘅努力，经历咗廿几年、喺TVB做咗10几年嘢，有成绩、市场接受自己有角色，搵到钱储到钱，搵到一个自己锺意嘅人去结婚，就算到呢一刻使晒啲钱又如何呢，呢两年都系食老本无问题，咪重新嚟过罗，但系面对啲人仲系话我系食软饭，又话我姓张，嗰啲人好无良心。」他称在直播公开讲，因觉得已过去，现时好开心，亦没有嘢令他唔开心，过了很多难关。

袁伟豪话当时叠住两剧开工，失眠又压力大，导致甩头发。

袁伟豪获老婆平反，状态已好咗好多。

叫老婆访问

自言过去两年没有做专访收埋自己，袁伟豪认为疫情有影响：「又冇商演，我哋又出唔到去做嘢，呢段时间见到我出返嚟喺综艺见面，即系我Ready罗，Ready去见大家罗，过去两年我一个专访都冇做到，就系因为某一间传媒对我系有特别嘅针对啦，自从我哋结婚买楼开始，就针对我、针对你张宝儿啦，所以过去两年我冇再制造任何机会俾人再去讲嘢，喺呢个live夜深同大家倾偈，讲下心底话，无伤大雅，我又开心大家又开心。我相信冇一个人会喜欢企喺呢个圈被人欺负俾人虾，喺度欺凌紧一个人。」他直言想交个波给张宝儿：「其实以后唔使做访问，我开live你访问我咪得，啲话题又有养份，又唔使俾人放大。」老婆当然力撑，但亦有打圆场：「每个artist都有难处啦。」