前警员涉逼子自渎案｜被告指完全无「窦」过儿子 称「锡佢多过自己 」

47岁前警员涉嫌自儿子小一起便教导他自渎，不时播放性爱片段给儿子观看，要求儿子一同自渎，被控4项向年龄儿童作出猥亵行为及3项煽惑儿童作出严重猥亵行为罪。案件今于高等法院续审，被告于录影会面中斩钉截铁声言「我乜都冇做过，我锡佢多过我自己，你可以问下啲街坊，你喺我屋企搵到一只咸碟乜都得。我唔会做呢啲嘢，佢伸手入裤裆我都打佢只手」。

控方举证完毕后，被告选择不作供。辩方庭上播放被告录影会面片段，被告开宗明义明言「你所讲嘅罪行我冇做过」，交代案发时任职警察，2019年7月前离职，一家三口当时居住于美乐花园公务员宿舍一个单位。被逐样问到播放色情影片，威逼儿子一同自渎等4次事件时，被告斩钉截铁声言「我乜都冇做过，我锡佢多过我自己，你可以问下啲街坊，你喺我屋企搵到一只咸碟乜都得。我唔会做呢啲嘢，佢伸手入裤裆我都打佢只手，我完全冇『窦』过佢（阳具）。」被告略带尴尬解释「佢阳具有问题，尿谷咗喺龟头，都系佢自己㩒出来」，连学校负责老师和校长都知情，形容「我个仔成日有啲怪癖，成日伸手入裤裆里面嘅」。被告续指儿子小时候阴茎正常，「嗰阵喷水池咁喷出来，喷到我㖭⋯⋯」而自己自小一开始已经「冇『窦』过佢」，长大后才患上隐藏式阴茎，近年到医院接受手术治疗后已经痊愈。

被告提到2019年婚姻破裂，「阿仔跟咗佢（前妻），我唔知道阿仔点解咁大转变，佢唔畀我见个仔⋯⋯我唔知中间有冇人教唆佢要佢讲。有一次同阿仔倾电话，阿仔话阿婆黐线㗎，成班人捉佢返教会。外母返嗰间教会有问题，带咗我老婆返间教会，之后我老婆个人180度转变」。被告坚称「我冇打过自己个仔我唔锺意，我老婆真系用藤条打佢我唔会」，「我从来唔会攞刀出来吓小朋友」，自己只会关心儿子学业、看球赛、假期活动等。

被告又否认曾经在家观看2018年世界杯，解释当年每次均到奥海城观赏，平常则曾间中带儿子到酒吧看英超。如果在家观赏球赛时，妻子必然在家，被告反问「如果我太太喺度，我点会做到呢啲嘢呀⋯⋯」被告重提案发时不曾租住澳门巴黎人酒店，因为当时接受针灸治疗后已夜深而房间已满，只曾在酒店大堂及一楼留宿一宵。被告另解释家中只有客厅装有摄录机，但未有驳上线路，仅用以恫吓儿子乖乖做功课，「我摆到封尘呀」。被告最后指「其实你check 返个纪录会知道边个讲大话。我唔知佢点解砌出咁严重嘅罪行指控，我唔评论我个仔点解会讲大话。」

男被告前警员F.S.L.被控四项向年龄在16岁以下的儿童作出猥亵行为罪及三项煽惑年龄在16岁以下的儿童作出严重猥亵行为罪一共七罪，交替控罪为三项残暴对待儿童罪。控罪指他在2016年及2018年，四度向儿童X作出严重猥亵行为，三度煽惑儿童X向F.S.L.作出严重猥亵行为。交替控罪则指F.S.L.身为儿童X负有管养及照顾责任的人，故意虐待儿童X，其方式相当可能导致他受到不必要的苦楚。被告近年曾两度中风，2019年离职，现时已与妻子离婚。X则在2019年被诊断患有自闭症谱系障碍及适应障碍症。

法庭记者：陈子豪

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ