独家丨胡慧冲有「露半球」冬荫妹陪浸水 望《冲游7》重燃港人游泰兴趣

由「泰国通」胡慧冲（Roger）主持嘅《冲游泰国7》获得开绿灯，由本月5日起，逢周一至周五晚十点半于J2播出，仲会一口气播足20集，满足疫情下，去唔到泰国嘅观众需求。讲到目前泰国状况，胡慧冲就话一切如常︰「根据香港保安局资料，冇游客系喺泰国旅游中被掳走，所以大家对泰国有返信心，街上有唔少港人㗎。」采访：方骞平

胡慧冲喺全清迈，最靓、最宏伟，以法国宫廷式主题嘅咖啡店取景，呢间店饮杯咖啡只需几十匹，10蚊港币都唔使。

原先《冲游7》于上月22日喺J2首播，但当时东南亚「卖猪仔」新闻疯传而临时被抽起，直至𠵱家事态冇咁严峻，加上7月起泰国正式开关，《冲游7》马上推出：「节目中除咗带出最新资讯、民生风俗，甚至一啲冷知识，系多元素嘅旅游节目。」第二集收视更高开，成为J2收视最高嘅节目。

见惯索女唔会流鼻血

今次胡慧冲同样加入「冬荫家族」，到曼谷、清迈、芭堤雅介绍泰国食玩瞓同打卡热点。最爆33D冬荫妹喺酒店池边嬉水，身穿两件头泳装的她轻「露半球」，「Big波」荡漾！除此之外冬荫妹还展露白滑玉背，亲自体验香槟香芒Spa，有咁火辣辣嘅冬荫妹助阵，即使硬撼其他泰国旅游节目，一啲都唔输蚀。不过！在场嘅Roger坚持冇「动L」：「我有金刚不坏之身，所以零反应，唔会流鼻血。」

冬荫妹喺曼谷独立屋形式的酒店泳池嬉水，小心走光呀。

冬荫妹体验芒果香槟spa。

今次Roger落重本创作片尾曲《冲哥》带出正能量：「歌词系我心声，唱出『一生中不知道富贵闭翳那个先，得不到不必喊皆因你未到终点…』希望大家收睇旅游节目同时带出人生大道理。」

跟冬荫妹妹置身清迈一个咖啡店内，并于泳池中打卡。

冬荫妹妹喺清迈浸温泉。

「叉烧姐」邝玲玲喺芭堤雅酒店享用浮水早餐。

胡慧冲及邝玲玲。

胡慧冲入录音室录片尾歌。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ