安达臣道塌天秤｜潘母认尸后哭诉「我个仔死得好惨！」盼查明真相还公道

2022-09-09 11:49

「我个仔死得好惨，我个仔先得22岁，大好前途，我希望社会各界帮我查明真相....呢个系一个人为疏忽....呢啲系谋杀，唔系普通工业意外！」秀茂坪安达臣道塌天秤夺命工伤中，最年轻死者为22岁的潘浩钰，潘母今晨往殓房认尸后哭诉痛失儿子，哭成泪人，盼各界查明真相，还她爱儿一个公道。

潘母今晨在工权会及建造业工会人员陪同下前往殓房认尸，她认尸后情绪激动，要工会人员搀扶下离开。她向在场传媒哭诉：「我个仔死得好惨！我个仔先得22岁，大好前途，仲喺度进修，我希望社会各界帮我查明真相，因为我个仔先得22岁，先做咗几个月嘢，啱啱先读完书出嚟，边个畀一个公理我，边个畀一个真相我！」

「我希望社会各界，政府各部门，呢个系一个人为疏忽，系人都睇到，你冇工作嘅时候，冇大风大雨嘅时候，成个天秤咁样，成个脚断咗，咁样跷起，唔系人为疏忽？呢啲系谋杀，唔系普通工业意外。呢啲系人为疏忽，要拉啲人去坐监，边个还返个仔畀我?」

潘母（中）盼各界人士为她查明真相，还爱儿的死一个公道。蔡楚辉摄

「我依家系破碎家庭，我住咗劏房11年，我左捱右捱，捱大个仔，我上咗楼先三几年咋，我含辛茹苦，我个仔好乖，好听话。香港人、香港政府，你哋帮吓我，我乜嘢都唔识，我要同我个仔攞返个公道呀！我要攞返我应得嘅赔偿，你叫我以后嘅生活点样过呀？希望各界人士查明真相，还我哋一个公道！讨回一个公道！希望你哋帮手！我个仔依家连安葬费都未有，都冇人同我提过呢一样嘢，我仲要周围频频扑扑。」

「我食唔落，瞓唔着，你叫我点捱，你哋畀返个仔我！我得一个仔，我冇咗生存落去嘅希望同精神支柱，你哋要帮我，我得一个仔呀........呜呜........」潘母顿时哭成泪人，她又指今天并无地盘有关职员或政府部门人员接触她。

而另一名死者，41岁电工许文明的两名亲属亦到殓房认尸，认尸后其中女亲友亦不时拭泪，神情哀伤，其后乘的士离去。

事发于前日上午10时许，秀茂坪安达臣道地盘一个重65吨的天秤倒塌，击中地盘多个货柜办公室，导致3死6人受伤。41岁电工许文明头颅骨折及大量出血，当场证实死亡；22岁工程师助理潘浩钰身体多处骨折，送往联合医院后抢救后终告不治；25岁外判工程师徐学培被困天秤底部，在事发后约7小时后被救出，当场被证实不治。其馀6名伤者分别送往伊利莎伯医院和联合医院治理。