陈嘉上误泄王菲22年前秘密谢霆锋偷陪女友到日本拍《恋战冲绳》

2022-09-14 08:00

导演陈嘉上与刘浩良担任ViuTV节目《导演．门》嘉宾，谈及跟周星驰、张国荣及王菲等合作拍戏的点滴。讲到当年向华强提议开拍《逃学威龙》，陈嘉上因不满原来的剧本而拒拍，后来因为受到《监狱风云》的启发，觉得「警察入学校似坐监」的设定过瘾，最后写下15行主要桥段，在没有完整剧本下开拍《逃学威龙》，全程靠演员即兴演出：「每日快乐爆肚，唔知对方做乜，每日似玩，但求好笑开心」，更指当时身边无人睇好：「当时啲场唔满㗎！惊到我死！」

TEXT:星岛头条娱乐组

你睇咗几多次《逃学威龙》?

陈嘉上又首爆男主角的第一人选并非星爷，但在他坚持下，向华强最后二话不说签下星爷私有化，而星爷的入血演出亦没有令大家失望。陈嘉上亦提到向生很懂得电影，当年他看过试片后，表示只对星爷出猫的一场戏不满意，所以陈嘉上后来加了黄炳耀找来一班警察帮手，造就「膊头有花全部同我入嚟」经典一幕。

超记得呢幕。

至于开镜后改动最大的电影，就是当年横扫金像奖5项大奖，由黄秋生、王敏德及李璨琛主演的《野兽刑警》，陈嘉上指最初构想是拍一部大喜剧：「嗰时正值盗版最猖狂嘅时期，成个电影业嘅气氛都唔好，拍咗1日就叫停。」

1998年上映。

节目中，陈导演讲得最多就系张国荣，他于1984年上映的电影《缘份》中担任编剧，「点解张国荣会演《缘份》?同我有关，《缘份》男主角本来唔系张国荣，原定嗰位都系好好嘅演员，但幕后人唔系咁锺意，我哋好想睇张国荣，我哋觉得张国荣好努力，好厉害，好肯搏，导演黄泰来问点呀，我哋试试先，我同叶锦鸿(电影导演，曾凭《半支烟》提名香港电影金像奖最佳编剧)、余耀良(《缘份》副导演)，喺邵氏制片室推住白板，喺上面写低原定男主角及张国荣个名，叫大家投票，之后冲去当时电影监制方逸华办公室，『我哋投咗票，大部分人支持张国荣』，方姐话已经决定咗，我哋话，你未同佢讲吖嘛，方姐最后望住一班后生仔，点一点头，张国荣因为咁而有得演呢部戏。」

1984年上映的《缘份》。

讲返当年大家投票选张国荣做《缘份》男主角。

问到两人的关系，陈嘉上透露张国荣视佢如哥哥，「我叫张国荣拍《锦绣前程》，打比佢，『LESLIE，我帮中国星拍戏』，佢剩系问，几时?边个?我话我想搵家辉，关之琳，佢答我好呀，得，就倾完，」之后拍《恋战冲绳》更癫，连剧本都冇。「同张国荣讲大约想咁样，佢话好，问边个做女主角?我话我未谂到，佢话阿菲啦，我话我唔识阿菲，佢话:『我识吖嘛』，然后佢就搵咗阿菲做女主角。」

1994年上映的《锦绣前程》。

对于第一次跟王菲合作，陈嘉上非常满意，「阿菲系我好佩服嘅演员，我好唔服气好多人话佢本色演出，你试你嚟做，本色演出?你试吓演自己，你太唔理解一个演员对住镜头时，好难做到自己，王菲目中无镜头，佢只系问咗一句，『呢个人系点样㗎，你知我唔识做戏，我唔熟悉嗰个人我做唔到』，我就同佢介绍角色，佢话好得意喎，我谂我得，然后就讲完嘞。」

当年在日本举行记者会。

陈嘉上又提到点解咁锺意《恋战》，「真系少数，我连剧本都唔肯俾演员，只俾几句重要对白，话俾佢哋听今日发生咩事，你哋撞埋一齐啦，好多戏份都系即兴，我好紧张，但要制造一个非常轻松嘅环境，张国荣，梁家辉，王菲，黎姿，后面仲有一个谢霆锋，呢群人喺堤坝上，玩『一二三，红绿灯』，就系咁嘅状态，我好紧张电影，万一拍唔好点算，而且部戏对我当年好大打击，因为票房唔好，但我一啲都无后悔，幸好我拍咗《恋战冲绳》。」

导演无悔拍《恋战冲绳》。

美好的回忆。

记者睇过《恋战》超过三十次，从来冇见过谢霆锋出现在戏中，再翻查资料，电影于2000年上映，当年王菲同霆锋传绯闻传得好劲，更曾被拍摄到在酒吧热吻，而王菲又于《花样年华》庆功宴后在成堆传媒面前拖住霆锋大摇大摆离开。相信当年霆锋为陪王菲拍戏飞到冲绳，陈导演记忆中的「后面仲有一个谢霆锋」，应该不是戏内而是戏外情景。因为一次访问，陈导演误泄王菲22年前秘密，反正王菲同霆锋于14年复合至今8年依然恩爱，唔紧要啦。