草蜢上《爆谷》晒30年前精壮肉照 苏志威五官绷紧轮廓变晒现硬胶面

上周六，ViuTV节目《爆谷一周》请嚟久别红馆5年，将于10月尾开4场Show的草蜢及其经理人林珊珊做嘉宾，现场观众全部都系跟咗草蜢多年的Fans，嘉宾讲嘢又叠晒声，加埋Fans起哄，所以全晚节目都非常之嘈。 

TEXT:星岛头条娱乐组

因为嘉宾好多嘢讲，现场观众又好有反应，现场好嘈。

林珊珊都有晒旧照。

呢张有三大天王，出处系珊珊最后一日嘅港台节目。

请得草蜢当然就系听佢哋话当年，例如分享当年粉丝追星的疯狂行为，三人回忆出道不久，为方便工作夹份买咗一架车，有次完成工作后驾车离开被大批粉丝包围，有疯狂粉丝爬上车顶大叫「我爱你」。蔡一杰激动表示当时立即劝粉丝，「落返嚟先啦，有咩慢慢讲。」三人后来发现车身因此而凹陷，车头位置又被粉丝以锁匙刮下两个心心，草蜢表示当时喷油还原车身的价钱总数，等于几个骚嘅酬劳，因此对粉丝又爱又恨，这些事亦是歌曲《又爱又恨》的来源。

访问中又提到当年住九龙城的生活点滴，又指陈光荣是他们的业主，近年曾经问过蔡一智记唔记得当年讲过一番话，就系「我哋系草蜢，呢类偶像组合，唔通唱到40岁咩?」观众即时起哄，已经57岁的蔡一智、56岁的苏志威及55岁的蔡一杰都笑言真系唔好乱讲嘢呀。而阿智再补充细个住屋邨，同阿杰及苏志威都讲过，到90岁都会拎住拐杖跳舞，欢呼声响遍录影厂。

两人讲起旧史好激动。

蔡一智提到当年曾经讲过做组合唔通唱到40岁咩?

蔡一智指细个嗰阵同队友提过，就算到90岁都会拎住拐杖跳舞。

另外，草蜢亦带咗唔少珍藏上节目，包括陈年杂志封面、人生第一张黑胶碟、人生第一个演唱会及写真集，提到影杂志封面，蔡一智兄弟最有感受，因为无论衣著定Pose都要自己搞掂，为咗有型，两人会去深水埗买服装配件，例如扣针，两人成晚就系咁又手又钉务求将一件好普通的牛仔褛变得Fashion啲，两人坦言「以为好易，凌晨加工搞足8个钟。」

1988年，草蜢推出第一张黑胶碟。

处男碟售30蚊，阿智话好抵，但当年物价同而家唔同。

1992年，草蜢举行第一次演唱会嘅大碟。

陈年杂志封面。

阿智话无论衫同Pose都系自己搞掂。

留意阿智件牛仔外套。

两人提到要为件牛仔外套加工，搞咗8个钟。

两人以为易事原来好难搞。

至于写真集，蔡一智兄弟都睇得好开心，一边揭一边Show畀观众睇，特别系蔡一杰，因为相集中有大量佢嘅露肉照，当年靓仔又大只，难怪咁自满，不过苏志威就唔系咁谂，由于佢本写真集玩黑白相，边睇边话大吉利是，见佢一边揭一边笑，眼耳口鼻都几绷紧，心水清观众应该发现苏志威个样有啲唔同咗，见佢大笑时块面好似唔受控制，苹果肌有啲硬硬哋，连登仔都疑惑，留言问苏志威咪系整咗容?你哋觉得呢?

苏志威笑容好硬。

唔同咗样咁。

轮廓都唔同咗。

好唔似苏志威。

本写真集好似出土文物。

蔡一杰系咁Show畀观众睇。

咁以前系靓仔嘅。

胀卜卜嘅心口。

蔡一杰话佢以前都好锺意露肉。

苏志威愈揭愈觉得唔吉利，因为佢影嗰辑相系全黑白。

剩系留意到苏志威笑容。

真系完全认唔到。

有连登仔问苏志威系咪整咗容?

8月出活动时，苏志威个样都算正常。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ