有个闺密叫祖蓝丨李亚男登场晒恩爱即场公主抱 王祖蓝讲老婆缺点系「太华姐」

王祖蓝主持的《有个闺密叫祖蓝》将于本周六（1日）晚上播映最后一集，今集的终极Big Boss是祖蓝太太李亚男。华姐 出身的李亚男（Leanne）向来给人感觉高贵大方，但面对老公却变成另一个人，表情动作多多兼不介意在镜头前展现粗鲁及样衰一面， 又多番扮恶「 凶 」祖蓝，不过祖蓝不但唔惊，还经常乘机捉弄娇妻，尤其当 Leanne「走音」时，祖蓝更是笑到趴地，令 Leanne多番要忍笑「扮嬲」兼「反白眼」，场面爆趣 。

【爆笑放闪内容逐格睇】：

最后一集嘅嘉宾系王祖蓝太太李亚男。

佢今次身负重任要送惊喜畀祖蓝，搞到唔习惯讲大话嘅佢个心箩箩孪。

祖蓝最初难以置信最后一集嘅嘉宾会系自己嘅老婆。

见到 Leanne，祖蓝笑到不能自已。

Leanne就一见到祖蓝就变咗开笼雀讲个不停。

唔知系咪同祖蓝一齐耐咗嘅关系， Leanne变得搞笑咗好多。

呢啲表情应该好难喺其他华姐或港姐身上睇到啩。

点解今次「快问快答」会叫做「玩命」版？大家心照啦。

今次「蓝男」仲要玩晒以往喺节目出现过嘅所有闺密任务，当中仲有一个好惊人嘅 原因？

大家又点会估到，会见到 Leanne咁嘅一面。

祖蓝不断鼓励 老婆要「再样衰啲」

嗰种甜蜜真系好特别。

Leanne其实系傻大姐嚟。

 

呢个系咪传说中嘅 O嘴表情？

似唔似手机入面嘅「不满无奈」 Emoji？

呢个笑容，相当有可疑。

呢个「恐龙叫」相当逼真！

系 Leanne嘅新技能解锁！

作为结咗婚七年嘅夫妻，可以咁容易乜都笑一餐，都真系几甜蜜。

要老公锡锡！

对于祖蓝不断喺《闺密》入面同唔同嘅闺密有不同程度嘅身体接触，之前同祖蓝 约法三章不能有身体接触嘅 Leanne，向老公大兴问罪之师。

为咗「赎罪」，祖蓝要「公主抱」李亚男，过程都有啲 牙烟 。

祖蓝同李亚男一直都好恩爱！

在「玩命」 版「闺密快问快答」，两人展现惊人默契，当被问到 「第一次见面地方」、「第一次见面年份」、「第一次约会地点」、「第一次入戏院睇嘅戏」 及 「第一次接吻地点」 时，异口同声秒速答出正确答案及细节， Leanne还首度展现了不为人知的「惊人绝技」，就是以声演恐龙，闭起双眼细听会真的以为 「恐龙降临」，祖蓝事后原来这绝技由他亲自教授，主要是平时用来氹两个囡囡开心。

在节目上，两人互爆对方的黑材料，祖蓝指Leanne缺点是「太过华姐」：「佢喺屋企入面都好华姐架，佢唔会发嬲啦，你其实基本上见唔到佢唔笑架，佢唔明你讲咩又好，佢嬲你又好，都系保持住华姐笑容。同埋佢永远唔会太兴奋，佢甚至乎喺屋企啱啱冲完凉，包住咗个头，同我讲嘢都会有华姐甫。」 Leanne则投诉祖蓝「恶意」放屁：「佢成日喺个被窦入面屙屁 ，佢明明可以讲句唔好意思、然后出一出去架嘛 ……重点系我仲喺（被）入面，你要焗死自己， OK It’s alright, but you know……」之后再狂数祖蓝乌搲事件簿，内容爆笑。

其后他们更按捺不住大耍花枪，玩 Truth or Dare时， 进击的Leanne乘机向老公索吻：「畀个机会我！ ！（王： 好耐冇嘴过咩？） 系呀，24小时前 （锡 锡 ）喇！ 」当祖蓝真的准备献吻， Leanne又忽然少女上身大叫「 好尴尬」 ，几经扭拧二 人最终甜蜜咀嘴。之后 Leanne又藉要求老公公主抱：「我搞咁多嘢就系为咗你要抱我咯！」 由于 Leanne太高大，即使祖蓝出尽吃奶之力，还是抱得相当不稳，接着Leanne再下一城，要求老公抱著她跳舞，祖蓝闻言吓至眼凸：「你真系决定咁做？我条腰要睇医生架喇喎。」 Leanne还会分享与圈中闺密的爆笑小秘密 、一件很嬲祖蓝但祖蓝却 一直并不知晓的事情。

【其他阅读】：

郑裕玲忆已故沈殿霞 称彩排遇大雨肥姐不愿停工一招化解：专业！

美丽战场 丨陈滢新海报企正C位地位超然 鲜红超低胸裙挥低其他女星

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ