防弹V Jennie拍拖铁证第七弹京畿道撑枱脚女友视角相簿全公开

2022-09-30 08:30

红遍全球的韩团防弹少年团(BTS)的金泰亨(V仔)及BLACKPINK成员金珍妮(Jennie)，自今年5月被游客偷拍到秘游济州后，即疯传热恋，虽则双方Fans左搵右搵证据喊晒口话P图，但有航空公司职员在网上大爆目击Jennie及V同机兼坐商务客位，加上双方公司对旗下艺人有绯闻一向火速否认，RM话秘密结婚即日出PO话唔系，JK传恋纹身师亦火速否认，但呢对提都冇提过，可信性增加50%。

TEXT:星岛头条娱乐组

V仔做咗两日客席DJ。

睇佢几开心。

有拖拍心情真系唔同啲。

边个话偶像拍拖会走粉?

Jennie呢期玩性感，系咪V仔锺意呀?

恋爱中嘅女人真系状态大勇。

今年5月被游客拍到两人去济州拍拖。

空姐亦目击两人搭飞机，仲影埋当日两人坐过嘅位。

去年12月，BTS首开IG，七子只Follow队友，但V仔就Follow咗Jennie，当时V仔解释系因为误揿推荐喎，而家睇返当然师傅明白了。

虽然寻日BTS的公司BIG HIT MUSIC终于发声明表示会保护艺人，严禁肇事者对BTS进行恶意活动，如诽谤、人身攻击、性骚扰、传播毫无根据的信息和恶意批评，亦透露发现多个包含虚假信息的诽谤帖文会进行法律咨询，就咁嘅，全文无对传得好劲嘅VJ恋进行否认，而寸爆黑客亦强调自己无收过任何法律查问。

Fans话份声名总算好过冇喎，面对现实啦好心。

当Fans一厢情愿认为VJ恋冇可能，觉得偶像只会爱佢哋唔会拍拖，8月尾，一张V仔在化妆室整头照片流出，相中更见到Jennie在V仔身后拎手机拍住V仔，而V仔更展现怕丑笑容。全球ARMY(BTS Fans昵称)好齐心，均认为是合成图片，更放大图片分析光暗位及耳仔角度，全民化身侦探相当好笑。

第一弹。

之后VJ恋证据陆续曝光，包括两人穿情侣装在等电梯，Jennie黐实V仔对镜自拍，从现场环境可见，是V仔于19年一炮过以51亿韩圜（约3,400万港元）购入，位于首尔江南区三城洞的SK Apelbaum 3000尺豪宅电梯位，过往V仔经常在同一位置自拍。然后又有着住情侣小熊维尼TEE的两人在电梯内自拍、接住有Crop咗头嘅男人亲吻Jennie额头预告及拖手照、最令Fans无话可说的济州旅行锡锡照、Jennie明显影畀V仔睇的浸浴照及最新的Lunch撑枱脚照片。

第二弹。

V仔经常喺同位置自拍。

第三弹。

留意返，两人戴咗情侣手鍊。

第四弹预告图，

CROP头拖手照。

目录照，之后相片亦陆续见街。

第五弹济州旅游照。

呢张相由Jennie操刀。

其实正经拍拖几好吖。

男友视角。

第六弹浸浴照。

Jennie清空小号，只剩帖文。

最新一辑VJ恋证据，可见V仔及Jennie在京畿道约会，两人喺一间好别致的韩式餐厅食Lunch，寸爆黑客今次相当贴心，公告埋餐厅资料，Fans想去偶像拍拖时坐过嘅枱椅用餐都唔使四围搵，另外黑客又公开埋相片的Caption，包括在一张VJ分别只见半边面的相片中，写上「你是我的另一半。」，Jennie冧仔的确有一手。

第七弹，餐厅内的Jennie影低餐厅外的V仔。

好丰富。

Jennie影美食影埋男友。

公开埋Caption。

只影半边面玩晒构图，好浪漫呀。

有地址又有电话真系一个贴心嘅黑客。

另外，黑客昨早曝光多张Jennie的私相簿，当中有旧爱G-Dragon、Kai及现役男友V仔的照片，奇怪地还有V仔队友Jimin的照片，其中一张目录图更打上「18禁」字眼引发网民热烈讨论，另有一张一名肌肉猛男露股照。从GD遮住脸的侧面照，估计是今年4月BIGBANG推出单曲《Still Life》时GD的金长发造型。EXO成员Kai的照片，则是与NCT香港成员Lucas的合照，Jennie与Kai于2019年曾公开认爱，但恋情只维持25日就结束。