李亚男难忍老公为闺密冷落自己 王祖蓝狂冧老婆：娶咗你每一日都好幸福

由王祖蓝主持的综艺节目《有个闺密叫祖蓝》 昨（1 日）晚播出最后一集，今次嘉宾是祖蓝太太李亚男（Leanne）。最后一集「蓝男CP」终极晒冷玩匀所有闺密任务，其间祖蓝自爆大女儿 Gabby 于三岁时已有一米身高，而当二人被要求互数「嬲猪」事件，祖蓝除惊爆 Leanne 最近「驳嘴」成就解锁、让他险些招架不住外，又大爆老婆珍而重之藏在夹万的东西，竟是美容 Coupon 及女儿们的疫苗针卡。

【点击睇王祖蓝李亚男甜蜜互动】

呢一集「蓝男 CP」会终极晒冷玩匀所有闺密任务，呢个任务系 Truth or Dare，系要 佢哋讲一件李亚男做过令王祖蓝感动嘅事。

祖蓝就讲番李亚男当年点样不顾一切只身由加拿大飞返香港搵自己。

Leanne 斋喺旁边听，个样都仲系好感动。

Leanne 之后补充，其实当时真系有谂过就咁唔再返番嚟香港。

不过最后因为太挂住祖蓝，就写信同屋企人讲，佢要返香港寻觅幸福，真系好感人吓。

祖蓝会大派花生，大爆 Leanne 有个好姊妹「口水多过浪 花」

到底系边个呢？

佢哋话呢位好姊妹可以由夜晚七点讲到凌晨三点。

Leanne 仲突然「豪气」Style 起上嚟，好搞笑

Leanne 只要畀祖蓝氹一、两句，佢就即刻笑到冧兹兹。

到有冇嬲过李亚男啲乜，祖蓝谂到头爆。

之后佢就开始大讲「夹万」事件，绝对系笑料一则。

祖蓝话最嬲系 Leanne 冇讲密码畀佢知。

祖蓝又话 Leanne 最近好锺意向佢 Say No。

eanne 嬲祖蓝嘅事件，就同祖蓝太锺意煲电话粥有关。

蓝喺节目入面衷心感谢 Leanne 为头家所付出嘅一切，同埋改变咗自己。

佢话之前为 Leanne 写嘅嗰句歌词「是你的声音在诉说幸运」，到依家呢一刻，都系自己每日嘅心声。

祖蓝当年娶 Leanne 有几感动？有图有真相。

当年今日都系大派心心。

好sweet！

好感动！

喺「快问快答」入面，「蓝男」展现咗唔少心有灵犀一面。

祖蓝曾因与闺密煲电话粥而激嬲李亚男的「嬲猪」，在节目上向王祖蓝说：「你成日都半夜同啲闺密倾偈（电话），但因为不嬲（临瞓前） 都系例牌你问吓我啲感受先，嗰日我咁啱有感受，你就接咗其他闺密嘅电话、安抚人哋嘅感受，我知人哋喺度喊你系要听，但嗰晚我唔系好忿气，因为我都有情绪，我都想 Blah Blah Blah 讲，但畀佢霸咗。」李亚男更大爆祖蓝事后完全不知道自己生闷气：「佢以为我瞓著咗。」祖蓝得悉真相后劲自责，并以过来人身份提醒天下男人：「同其他人讲电话要留意另一半系咪介意，同埋当时个心情系点。」 

 
当年李亚男曾忍痛与祖蓝分手并飞返加拿大，但最终因按捺不住对祖蓝的思念，抛下一切飞返香港，令祖蓝大为感动：「嗰时身边啲人担心佢学坏，又惊我呃佢，本来佢谂住放低演艺事业返加拿大读书，嗰时我都话：『我哋唔好一齐喇，勉强冇幸福，无谓令大家同身边啲人咁痛苦。』结果佢最后竟然自己一个人飞返嚟香港，同番我一齐。」Leanne 事后补充谓：「嗰时有谂过返去加拿大读书就唔再返香港，但自己个心一路好想返香港，一路好挂住我男友，就扚起心肝写咗封信畀我屋企人，话我一定要返香港去搵我嘅幸福。」 
 
结果这段最终开花结果，两人在2015 年2 月14日拉埋天窗，制作组播放二人当日结婚片段，还要求祖蓝重现当年「爱的宣言」，祖蓝发表新一轮爱妻宣言：「我以前好容易好火爆，依家畀你感染到我冇晒火。我当初写《跌》， 『是你的声音在诉说幸运，我盼搏你欢心』，系我心声嚟。无论娶你有几辛苦都好，我知道娶到你一生都会幸福，真系喎，依家娶咗你真系每一日都觉得好幸福。 嗰时点会谂会生第一个女、第二个女，我哋系不停咁写紧恋爱历史，年年都好幸福，所 以好多谢你。」Leanne 听完后冧爆回道：「多谢你畀我成为你人生嘅女主角。」
 
同晚于 myTV SUPER 播放的加长版中，两人还大爆「处女党」不为人知搞笑事。事缘其中一项闺密任务是「讲是非」，为了完成任务，最终祖蓝不开名爆料， 矛头直指处女党其中一名「眼大大」及为人西化的成员：「我有样嘢好佩服佢，每次我老婆出去同佢倾偈，其实我老婆都冇讲过嘢。假如佢哋夜晚七、八点开始分享，可以分享到凌晨三点，中间可能十二点我老婆话不如返屋企先，佢就会： 『其实我仲有好多嘢可以讲』 。到讲到（半夜）三点喇，佢就会问我老婆： 『系喎，Leanne，你近排点呀？你有冇咩唔开心？』仲可以点啫？眼瞓咯！」 

【其他阅读】

森美哽咽谈3年前曾「死里逃生」 囡囡10字回应暖入心

38岁杨秀惠约人妻姊妹庆生  39岁李思欣超冻龄皮肤紧致似学生

76岁夏雨白发苍苍现老态上邮轮欧游 淡出多年变影视公司行政总监

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ