维港会｜睇《饭戏攻心》笑到牙骹软 曾俊华：对白极度地道啜核
2022-10-03 13:47 
「前财爷」曾俊华早前携妻女到戏院支持好友古天乐的电影《明日战记》后，他在Facebook发文，指日前去睇陈咏燊执导同编剧的《饭戏攻心》，直言「好耐未试过喺戏院睇戏笑到牙骹软」，他表示十分欣赏该电影，力赞此戏是「好香港、充满本土情怀的喜剧」，戏中唔少对白极度地道啜核，笑言「呢啲对白改成普通话或者翻译成英文都好难work到，受众未必可以理解呢啲说话嘅神髓，呢啲正正系广东话嘅精彩之处。」他又分享了剧中最触动他的台词，慨叹：「置身今日嘅香港，呢句话相信令唔少人百感交集。」
曾俊华指近来看了电影《明日战记》和《饭戏攻心》：
曾俊华在个人Facebook专页发文，指电影以陈氏一家的故事，好隐晦地讲述香港的现况，他说，电影里陈氏这家人就好比香港，兄弟之间因为「义嫂」等问题产生极大矛盾，令原本齐齐整整的家，「差啲要支离破碎」。不过，他又指「成套戏嘅中心其实都系想讲，我哋可能唔再需要一个实体嘅『屋企』，正如戏中大哥嘅妈妈同佢讲：『屋企人喺边，边度就喺屋企』，置身今日嘅香港，呢句话相信令唔少人百感交集。」
曾俊华感慨地说「呢句说话好click到我，我成日都同朋友讲，喺香港，逢农历新年我都唔需要去拜年，因为我需要去请安嘅长辈亲人，全都分散喺世界唔同嘅角落，好彩依家嘅科技，令到我哋虽然相隔千万里，仍然可以透过网络互相问好。」
曾俊华指，睇戏之馀亦有欣赏画展，就是Bowtie始创人之一Fred Ngan弟弟Thomas的画展，他又赞扬其弟弟是「一个有天份的油画画家」。
他又感触地说，纵使不少人选择走遍万里去到新天地，「但系我好开心喺香港仍然见到好多好有天份嘅年轻人开始冒起，而唔少选择留低嘅年轻一辈艺术文化人，喺依家呢个时代背景之下，都透过佢哋嘅作品，流露对香港深厚嘅爱」。
最新回应