Juicy叮｜职场遇欺凌遭新经理掟杯 餐厅侍应：有时收工一个人喺条街喊

有在餐厅任职侍应的打工仔近日发文，指无故被新经理针对及欺凌，对方更曾向她掟杯，又因为一个原因而要求其他同事减少与她接触，令她感到不开心，「有时收工一个人喺条街度喊」。

该名打工仔早前向于facebook专页「奴工处」投稿，提到自己任职餐厅侍应已有数年，一直工作得开心，直到早前有新经理入职。她指，自问工作时有礼貌，工作亦做足，但不知为何对方看她不顺眼，「啲下栏嘢畀晒我做，甚至叫我帮洗碗姐姐洗碗，又要搬货。」她指，不介意工作量增加，「但系点解每次都系我一个人做？」，又指对方与她说话时语气甚差，即使自己下班时与对方说再见，对方亦不予理会。她续指，「有次佢过份到直接掟只杯俾我，结果跌咗落地打烂咗，之后仲用粗口闹我，话我又整烂嘢要我自己清洁返。」

她续指，原本与同事关系不差，但发现同事最近对她冷淡了很多，随后有同事偷偷讲地告诉她，「话经理叫佢哋唔好同我讲嘢，话因为我样衰，啲食客见到我都冇胃口搞到铺头条数好差」。她直言，对此感到不开心，亦没想过同事会听从新经理的指示杯葛她，并直言「有时收工一个人喺条街度喊……都唔知自己做错乜」。

不少网民纷纷留言安慰，并支持她辞职，「绝对唔关你事，比信心自己，去搵过份工」、「辞职，冇必要因为份工令自己咁唔开心，东家唔打，打西家」、「转工啦～ 大把地方请侍应！」、「转工。人生会更好」、「支持转工！唔值得为咗呢啲人搞到唔开心」等。另有网民则建议「转工，再上总部投诉」、「由佢掟杯果下已经可以玩到佢死，闹人我觉得OK，我接受到，掟野落人到真系唔得，你识玩，有排你CLAIM(索偿)佢，到时公司同你慢慢倾，睇下边个死」、「转工，跟手报警，佢掟杯嗰下系蓄意伤人，一于同佢玩大佢等佢永无宁日」等。

帖文来源：「奴工处」

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ