独家丨 区瑞强入行45年开演唱会多次遇险 纪念Show嘉宾有袁伟豪夫妇

区瑞强（Albert）为纪念入行做歌手及DJ 45周年，相隔一年，本月尾举行演唱会《45周年友缘再相聚》，邀请一班歌手及DJ老友出任嘉宾，名单中还有袁伟豪（Ben）和张宝儿夫妇，又会跟米雪首度合唱《剑合钗圆》，仲会叫罗家英教他唱粤曲，大酬宾咁相当丰富。采访：杜杜 摄影：朱伟彦

Albert当了45年歌手和DJ，感恩有幸一直能兼顾两方面。

Albert的演唱会《45周年友缘再相聚》，将于10月28至30日于伊馆举行。

去年举行《相识在童年知心50载》演唱会， Albert形容是私房式邀请了细仔和胞妹任嘉宾，但今次则广邀歌手好友，包括曾路得、麦洁文、叶振棠、李龙基和谭嘉仪；DJ方面则有郑丹瑞、麦润寿和郑子诚，不过当中最特别是搵了看似不相干的袁伟豪和张宝儿。Albert解释跟小时候的Ben已认识，「佢叫我Uncle，佢十几二十年前已经识弹电结他，好锺意唱英文歌，估唔到佢𠵱家变咗电视男神，但系佢今次再特别啲奉献咗第一次，搵埋老婆张宝儿一齐合唱，宝儿未试过做演唱会嘉宾㗎！」

Albert邀请的嘉宾当中，唔少得DJ方面的老友郑丹瑞。

Albert开心袁伟豪和张宝儿将同台合作第一次奉献给他。

谂计叫家英哥恶补
Albert还会首度挑战唱粤曲《剑合钗圆》，他入行多年一直未敢尝试，只因以往经常有机会听新马师曾现场演绎，技惊四座，更令他不敢轻易学唱，但为了米雪而勇敢踏出第一步，「佢话『你试吓啦！』，同埋喺我演唱会，唱得差都会有掌声，我啲fans好包容。」他打算搵同是高尔夫球波友的罗家英做导师恶补，仲谂好计仔「邀请」对方，「我同米雪商量点样学点样练，佢话『不如我哋搵家英哥』，约佢出嚟打高尔夫球，不过要教我唱粤曲，『系咁易教吓都好，唔系之后同我打球我就打残你，打到你冇晒信心』，都系交换啫！哈哈！」

Albert搵了老友米雪及李龙基出任演唱会嘉宾。

Albert 决定搵罗家英教唱粤曲，但最搞笑对方竟然仲未知。

讲到MIRROR演唱会意外事件后，一众歌手更注重舞台安全，Albert承认红馆地方大又多机关，较多意外风险，他亦试过无数次惊险事，「试过条路系斜路嚟，冲落去停唔到，谂住走去观众席握手，差啲打筋斗咁滞，好危险！」不过他强调今次在伊馆开Show，完全冇机关好安全。

Albert承认在红馆开骚特别危险，群星骚会靠大家互相提点。

Albert强调今次在伊馆演唱会完全冇机关，非常安全。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ