美丽战场｜蒋家旻忆述拍强奸一幕全身泛红青筋暴现：情绪好辛苦拍完用被冚住自己
2022-10-22 11:00 
TVB台庆剧《美丽战场》早前播出第14集，由陈滢被李成昌强奸变成蒋家旻被奸的画面，不少网民睇完见到都话奸人害人终害己，个个都大叫过瘾，成为逃犯着草去台湾的蒋家旻更加成为焦点，大家都好想知道，这个奸人最终的下场如何！但蒋家旻早前接受《星岛头条》访问，忆述拍摄当日细节，回想起当日情绪都表示相当辛苦。
【相关阅读】：
美丽战场｜蒋家旻反被强奸后有人死 遭伸手入裙底吻胸黑bra露出被施暴
美丽战场丨林盛斌饰寸爆富商一take过搞喊观众 与刘佩玥组最甜CP风头劲过男主角
【点击重温蒋家旻被奸过程】：
这场历时2分钟的强奸戏，以电视尺度来说，画面相当震憾，蒋家旻坦言拍这场戏一点「唔易拍」：「喺观众角度觉得琪琪系好抵死，害人终害己，呢个真系佢嘅报应，我自己睇完都好满意，亦都系预期自己嘅效果，其实嗰一日拍嘅戏系好辛苦，除咗有强奸戏之外，之后仲有场杀人嘅戏，全日嗰个情绪系好大压力，我喺前一晚已经好大压力，所以我觉得自己系超额完成。」蒋家旻续说：「虽然大家所睇嘅只系几分钟，因为尺度关系剪咗部份戏份，所以睇落唔系咁激，但系被强奸嗰场戏系要嗌破喉咙，导演要求系要我嗌到隔离房都听到我不停嗌救命，所以我块面、条颈同手爆红又露晒青筋。」
她又称自己当时喊到偏头痛：「对我嚟系好大镬，食药都止唔到痛，一定要瞓觉，嗰日情绪系好辛苦，好难平伏，平时我因为养生唔饮汽水，但系我偏头痛到要饮一杯汽水， 之后先有足够嘅糖份去应付跟住嘅戏。」不过最重要的，当然是有一个好的对手：「昌哥（李成昌）好好，系一个好好嘅对手同前辈，每拍完一个身体接触嘅场面，全部喺拍之前沟通好，会讲明会锡我同摸我边度，所以拍嗰阵一啲都冇觉得唔舒服嘅感觉，而且工作人员同导演好好，只系留啲要拍嘢嘅工作人员，其他人会清场，服装嘅女同事喺每次拍完又会拎张被帮我冚住，变咗拍摄过程好顺利，只不过系要投入角色同演绎嗰种凄惨痛苦嘅感觉，当正自己系畀人强奸。」
「观众应该有机会见番琪琪」
过完第一关之后，又再应付浴室戏的考验：「浴室嗰戏好难拍，情绪系真系好复杂，靠自己做完再睇play back，加埋导演引导再试多几take，真系好大压力，情绪系好痛苦，演戏系将最真实嘅演出呈现出嚟，但系作为演员唔代表喺真实生活每一样嘢都发生过，我又冇俾人强奸过，又冇憎恨到要杀一个人，呢啲要好靠自己，除咗培养情绪之外，我拍之前都有上网睇吓啲关于强奸嘅新闻，感受吓嗰种凄惨，再代入角色去演绎。」再问会否觉得比《踩过界》的SM戏更加激？她说：「唔可以同《踩过界》比较，嗰个效果系有一种恐怖嘅感觉，加咗好多SM嘅场面，有一啲好真实嘅场面，都辛苦，俾许家杰将个头浸落水，我本人系好怕水，所以对我嚟讲系两种辛苦。」
昨晚剧情讲到琪琪将要「着草」去台湾，临行前她再三表示会找阿宝报复，笑问之后出现会否更加恐怖？蒋家旻笑说：「我唔可以剧透太多，观众应该有机会会见番琪琪出嚟，不过暂时大家可以短暂休息吓，摆喺其他演员身上，最后一个星期系好好睇，将战场摆喺上流社会，大家会睇到阿宝黑化。大家睇得好投入，好憎琪琪呢个角色，但系又好想睇吓佢之后系点，见到佢有咁嘅下场，又觉得佢系抵死，抵死之馀又想睇佢出现番，所以我都好多谢观众睇得咁投入，对呢个角色又爱又恨，当我仲有好多不足之处，但系我可以好有自信咁同所有人讲，呢个角色系超越咗我自己。」
【其他阅读】
郑裕玲确认离巢TVB 效力44年早已想「唔续约」：3年疫情有改变
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应