独家｜《美丽战场》结局篇剧情大逆转　叶念琛泄「阿宝」变过街老鼠陈滢演技爆Seed

2022-10-24 08:00

《美丽战场》来到结局篇，《星岛头条》当然唔放过灵魂人物叶念琛。叶导一开波讲明会「口紧」，怕太早剧透观众睇得唔够过瘾，但都渗少少剧情。如「阿宝」会全面黑化，搞到众叛亲离，又预告林盛斌同刘佩玥这对会有感动位令关系升级，以及朱晨丽和何依婷会轮流被揭开真面目。采访：杜杜

健谈的叶导，讲到结局篇剧情，为了观众睇得过瘾都好忍口。

陈滢访问时已剧透，结局会只得一只狗陪伴，相当惨情。

叶导认为最初情节令「阿宝」未够突出，变相令人忽略了陈滢演技。

「阿宝」的非一般经历，令她续步成魔。

叶导对于剧集得到广泛讨论表现兴奋，来到结局篇讨论更加激烈，「网上好多结局嘅版本同埋剧透，我只可以讲好多TVB内部嘅人睇过，呢五集就好似过山车一样，好多嘢会大逆转，好似朱晨丽同埋何依婷个真面目大家都未睇到，好多人嘅底牌，观众都未知。」讲到几个恶人的下场，叶导只透露该剧讲因果同报应，相信「反骨琪」和「阿进」都会恶人有恶报。

朱晨丽演的富家女「唐昕」，暂时只是「宇少」的好友。

演「宇少」妹妹的「庞子珊」的何依婷，暂时都只是个乖乖女。

「反骨琪」会否回归，亦成为结局篇焦点。

结局篇「阿进」会再度现身搵「小美」。

刘佩玥预告露玄机
陈滢接受《头条日报》访问时，曾剧透「阿宝」身边只净返一只狗陪伴，叶导承认「阿宝」最后会众叛亲离，「其实预告度刘佩玥对『阿宝』讲嗰句好啱，『你以为得到所有嘢，其实系失去所有嘢』，大家成日话陈滢个角色同演技都好弱，但系等到最后呢五集，『阿宝』所有嘢为自己后，佢会真正黑化，失去晒所有友情、爱情，呢个系佢选择嚟。」

结局篇「阿宝」正式进入黑化阶段，众叛亲离。

在预告中「静儿」对「阿宝」讲，「你以为得到所有嘢，其实系失去所有嘢。」

「阿宝」跟经理人「一言Sir」关系，同样会大逆转。

叶导又再解构「阿宝」角色，指她是个深藏不露的女仔，其实比起「反骨琪」更加阴险，「佢其实一直都系个好计算嘅人，只不过佢咩都收埋嚟做，你睇佢要胁麦秋成演嘅『赵生』就知，佢唔系大家想像中咁简单，最后呢五集嘅剧情，大家会睇到佢有毛有翼，自己有能力后佢嘅真面目先会出现，真正嘅『锺家宝』先至成形。」

黑化了的「阿宝」，亦是陈滢发挥演技好机会。

「阿宝」同「宇少」的关系，由最初甜蜜而起变化。

「宇少」会搭上青梅竹马的「唐昕」。

有信心迎战《季前赛》
对于观众好锺意林盛斌（Bob）同刘佩玥（Moon）这一对，叶导就透露，「𠵱家讲到2022年见到佢哋两个系情侣关系，纯系上司同下属，但嚟紧Bob会为女方做啲超感动嘅嘢，其实之前预告见到佢哋两个会揽埋一齐，到底 Bob做咗啲咩令Moon咁感动呢？呢五集就一定要留意。」

「徐富贵」和「静儿」这对好受观众欢迎。

究竟「徐富贵」做咗咩，令「静儿」感动到即刻揽住佢呢？

叶导又开心透露该剧播出以来，每周收视都稳步上升，原来上周已突破20点收视，对于本周将迎战ViuTV的《季前赛》，他仍对《美》剧有信心，「睇一个剧唔代表唔可以睇埋另一套，大家想睇总会睇到，因为可以任何时间重温，大结局嘅内容已经系最猛火力落重料，要睇观众嘅选择，况且每个剧𠵱家唔系得一个对手，要斗系同全部娱乐去斗。」