Juicy叮｜极品女友手袋竟放满用过纸巾 港男忧「点一齐结婚生活？」

每个人的生活习惯各有不同，但如果因为结婚而需要一同生活，便需互相迁就。有港男日前在网上发文指，女友的卫生习惯甚差，包括习惯将使用过的纸巾放在手袋内，并指「有时问佢借纸巾，佢仲会畀呢啲用过嘅纸巾畀我用」，令他担心「如何之后同佢一齐结婚生活」。

该名网民早前在香港讨论区以「女朋友好污糟，唔知以后点同佢生活好」为题发文，指女朋友的卫生习惯差，房间长期污糟邋遢，并会将穿过与未穿过的衣物堆在一起，部分衣服甚至会直接扔在地上。楼主忆述，有一次曾使用女友的电脑，并发现整个荧幕满布灰尘，当他用湿纸巾清洁时，湿纸巾即变成黄色，「都唔知佢几耐冇抹过部电脑，部电脑佢仲要日日用，都唔明佢系点忍受用一部污糟嘅电脑」。

楼主又指，女友的另一个习惯是将使用过的纸巾放在手袋内，不会立即扔掉，因此每次打开女友的手袋时，亦会在袋中看到大量「垃圾纸巾」。他又指，间中向女友借纸巾时，对方更会将自己使用过的纸巾给他，并指「但咁污糟点用噃，都唔知佢呢啲系悭家定污糟」。他担心「如何之后同佢一齐结婚生活，我一定要成日执屋啦。」

港男指，女友的卫生习惯甚差，习惯将使用过的纸巾放在手袋内。iStock图片

相关帖文随即引起热议，有人直言「服咗你，咁都顶得」、「好恐怖......呢家都咁，结咗緍你死硬」、「女友冇所谓啦，老婆就唔好罗」、「分手，唔系就后悔」、「结婚咗你会仲难受，衫乱都算，屋企啲嘢乱放，有平面嘅嘢就会乱葬岗咁。食完嘢放晒喺台，外卖食完几日都唔掉，碗唔洗，地唔拖，厨房厕所更加唔会清洁....我老婆就系咁」。有人则建议，「每人一间房… 解决！佢间房你唔好理」、「同女友商量下改变」、「请个宾妹就解决啦」、「咁你要试下同居之后先再决定结唔结婚好啲喎」等。

另有网民则分享指，「我公司都有件咁嘅极品，唔通佢系你女朋友？冲嘢饮嘅包装袋唔知点解永远唔会放入垃圾筒， 明明垃圾筒只系距离一米，而且系佢自己专用垃圾筒，佢锺意可以搬位，但佢就系要丢喺张枱仔上面，仲储埋一堆一个山仔咁~用完嘅纸巾都一样随处丢，就系唔丢入垃圾筒，又系同一句，明明垃圾筒喺隔离~佢枱底同样塞满垃圾，电话/电脑/枱面/地下拖板都系好多污渍」。

帖文来源：香港讨论区

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgY