梁咏琪明年2月红馆开骚 著鲜红漆皮外套影海报霸气十足

阔别红馆五年，Gigi梁咏琪宣布明年2月17、18日再次踏上红馆舞台，举行一连两场《梁咏琪 时间遇上我们》演唱会。日前Gigi为个唱拍摄海报，穿上Lady Gaga、Blackpink@Jennie同样锺情的设计师Simone Rocha所设计的鲜红色漆皮外套，令平日外表柔弱的Gigi，变得霸气十足。

【相关阅读】：梁咏琪著露膊晚装现身釜山艳压全场 46岁气质高雅短发显贵气

【点击睇Gigi型爆嘅海报拍摄】：

Gigi决定下年2月17、18日红馆开骚。

今次系Gigi事隔5年再喺红馆开骚。

今次演唱会嘅拍摄海报中，Gigi着住鲜红色漆皮外套加lace裙。

睇落霸气咗唔少。

而今次演唱会以「时间」作为主轴。

Gigi话以前嘅演唱会总会着公主裙，同今次嘅造型好唔同。

唔知今次嘅演唱会又会唔会有其他突破呢？

各位fans可以期待吓喇！

「以前演唱会总会着公主裙，哈哈，但今次嘅造型好唔同，好似着住盔甲、武士道服装，件褛好重，但影出嚟好靓、好powerful、好sharp，但亦都夹杂咗好浪漫嘅lace，好符合我今次想表达嘅主题。」今次Gigi的个唱，以「时间」作为主轴，划分昨天、今天、明天三个部分，用歌声与乐迷分享这几年间的成长和体会，因此演唱会取名为《时间遇上我们》。「以往会用一种庆祝方式去打开一个演唱会，但呢几年好多事情发生，我哋嘅舒适圈消失咗，你冇办法改变佢，但我哋可以用呢段时间，去做一啲我哋未做过嘅事，令时间与我们重新接轨。我希望用一种比较接近剧场表演嘅方式，配合舞台、画面嘅设计，带大家一齐打开一个时间锦囊，去重温我多年嘅歌。」Gigi解释说。

知道Gigi的囡囡Sofia，也热爱唱歌跳舞，问到演唱会会否母女档上场？Gigi忍不住大笑：「佢好搞笑，当佢知道我开演唱会，佢问：『咁我呢？』吓死我，以为佢想上台，原来佢担心要返学无得去睇，其实囡囡唔会上台啦，佢喺台下摇吓荧光棒都会好开心。」

 

【其他文章】：

炎明熹13岁出道前绝密片段曝光！中分曲发 又唱又跳 网民劲赞形象百变

29岁吴千语游峇里庆生狂晒百亿男友视角 素颜出镜零毛孔滑过剥壳鸡蛋

Anson Lo重踏舞台发抖爆喊留有馀悸 因为害怕需好好的调整心理

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ