西贡行山跌落1米深坑待救一晚 死里逃生事主：以为跌落棺材窿
2022-11-19 16:04 
踏入12月正是行山好季节，却不时听闻有行山人士乐极生悲堕崖惨剧，能生还者是不幸中之大幸。行山人士简先生便是其中之一，简生在今日跨部门宣传山友同行计划活动中，分享他当日独自行山受伤获救的经历，呼吁山友勿单独行山，最好结伴同行。
相关报道：秋冬独自行山失踪死亡率急升 当局吁下载「郊野乐行」程式助追踪定位
简生自言行山20多年，家住西贡的他，每早起床便行落沙滩，然后返工。今年1月9日他选择行了一条平时很少人行的山路，起步点为西贡露营湾上山，沿着前人绑起的丝带前行，来了一条半山径，却有个约5尺深的大窿被草遮盖，「我完全睇唔到，一脚就叉咗落去，嘭一声瞓低撼到坑边，失去知觉晕咗，醒返完全郁唔到瘫咗咁，伸手去背囊想攞电话出嚟打都打唔到，一路等到差唔多天黑，好多消防车、救护车声，我心谂今次得救啦，实冇死，咁多人嚟搵。」
「我仲听到有搜索犬声，我搏命大叫，叫咗好耐，冇人救我，我其实离路边唔系好远，大约500公尺。可惜跌咗落坑里面，啲杂草遮住我，咁样声音唔能够传出去，消防员个个都听唔到我啲呼救声，我就好惊，附近周围都系坟墓，清末民初古墓，自己一直以为跌咗落棺材窿里面，我唔系好怕死，但我好惊家人伤心，尤其我太太嗰日喊到不似人形。」
「到咗第二日（10日），路边好嘈杂，继而听到有直升机喺我上空盘旋，可惜我跌咗落个窿里面，畀杂草遮住，佢哋（救援人员）冇办法发现我，于是我狂叫，冇几耐终于有人发现我叫，原来佢哋系民安队，将我救出嚟，送咗我去伊利沙伯医院。」
「我住院一个月，我算非常好彩，做咗手术，用咗3条钢片，8口螺丝，将断裂嘅骨驳回，将大部分压住神经线收复好，但仲有2条神经线压住我，行起上嚟好唔平衡，手脚都好麻痹。我想藉呢个机会同大家呼吁一下，唔好单独行山，一旦有意外发生就非常危险。最好选择人流多地方去行，谨记结伴远足，有事可互相支援。我亦好感谢当日嘅拯救队伍。」
而当日负责拯救简生的民安队搜救中队第 6分队指挥官王少珊亦忆述，今年1月10日大约8时，民安队应消防处要求前往西贡露营湾协助搜索怀疑行山失踪的简生。当日民安队一共派出 10 名人员进行搜救。当到达目的地后，民安队与警方及消防员商讨搜索范围。经评估当时形势，决定于竹角、白水碗及碧水新村一带搜索。搜索期间，民安队在搜索范围听到有微微呼救声，需要进一步深入丛林寻找，终在约近早上11时，成功于竹角山对落大约 20米丛林找到简生，他跌落大约1米深坑入面，清醒但身体虚弱，民安队随即进行初步急救及安抚，同时消防及警察亦前来支援。最终成功将简生安全地抬离现场带落山。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应