世界杯2022｜专栏：世杯开锣战入球唔慌「多」

大家好！四年一度世界杯又到啦！写开赛马分析的艾尔平时都有睇波（利申我系车迷），今次就「踩过界」，会于世界杯期间讲下赛事分析，仲会提供投注心水。艾尔今届比较锺意荷兰队，之后再讲下点解！ 

今届世界杯于争议声中如期举行，打头阵就系东道主卡塔尔对南美洲代表厄瓜多尔。2019年亚洲杯冠军卡塔尔，今届首度打入世界杯决赛周。于西班牙籍教练菲历士山齐士执教下，卡塔尔擅长排五后衞打防反战术，大家可以留意前锋艾莫尔斯阿里同翼锋阿克林阿费夫，两位都属于速度型嘅球员，并且曾经于西班牙短暂外流过。 

至于厄瓜多尔可以话系决赛周常客之一，今届大军名单中，当然要留意踢紧英超白礼顿嘅中场摩斯卡些度同左闸艾斯度比恩，国家队入球纪录保持者安拿华伦西亚，都可能令卡塔尔后防遇到麻烦。不过睇番今届南美洲入围球队之中，厄瓜多尔可以话系火力最弱，近八仗赛事只入四球，当中有六场赛事保持不失，睇到呢队波攻弱守强得好明显。 

卡塔尔近八仗主场赛事六胜一和，睇落好似好硬净，但其中五场对手只系对住中东国家球队，上仗对斯洛文尼亚都只能和波。纵使今次有地利，但对手厄瓜多尔防守能力同用波能力都较强，主队要入波相信唔太容易。考虑到两边打法比较保守，今场入波应该唔会多，艾尔先推介入球大细二点五细同半场和，可以考虑下！ 

最后呼吁，星期一晚观塘投注站会有《猜波台》直播活动，艾尔都会到现场睇波，希望到时见到你啦！艾尔

立即下载 | 全新《星岛头条》APP : https://bit.ly/3yLrgYZ