张立基被女友呃200万吞100粒药自杀 重生后返家照顾老人痴呆母：反而最开心
2022-11-20 13:00 
今年60岁的张立基在1986年参加亚视第一届《未来偶像争霸战》夺冠加入歌坛，90年代曾经出过多张唱片；可惜后来为情所困，被骗去200万后曾经自杀。最近张立基接受「香港演艺人协会」访问，重提入行多年的经历外，更特别提到当年尝试轻生一事，他寄语年轻人：「唔好放弃自己，人生系一段好精彩嘅路程，同埋最紧要放得低。」
【点击睇张立基重提轻生经历】：
踏入歌坛36年的张立基，其实早在1979年中学毕业时，身为disco常客的他因「舞功」了得，已获安排入读丽的舞蹈训练班，并为歌手伴舞。当时他曾获黎小田提议他参加新秀大赛，不过他在1986年参加亚视比赛入行，签约亚视。4年后转投无綫，凭《Electric Girl》一曲走红，创事业高峰。不过张立基之后为情所困：「始终系年轻人，对感情睇得太重。我对未来冇谂法，成日都系随遇而安，因为感情睇唔开，都试过自杀，最后走唔到，可能系个天唔想我走。」张立基坦言当时决心想离开：「嗰时我食咗成100粒药，50粒系安眠药，昏迷咗3日3夜，醒返已经系3日后。」
太执着泥足深陷
张立基当时不想留在香港而到内地：「因为喺香港太多伤心事，唔系唱歌方面，系感情上，同埋好多朋友喺身边，会好多压力，我受唔到啲人成日都嘈我。屋企人又唔理我，喺我最唔开心嘅时间全部搬走晒，我好hurt。我系独仔，但一直得唔到屋企温暖，可能因为咁，想喺爱情方面有啲寄托；其实我好想一个人爱我，令我感受到家庭温暖，可能因为太执着而泥足深陷。」当时香港100万已经买到一层楼，而张立基却被当时女友骗了200万：「我觉得好受伤，我觉得我冇错，只系遇人不淑，识咗个坏人。我到而家谂返起，失去好多嘢，失去事业、家庭、金钱，但我唔介意付出代价。」
患抑郁症十多年
张立基更表示被抑郁症纠缠了十多年：「我返大陆，再返嚟香港，先至睇开咗件事。」当时返港是因为妈妈抱恙：「2008年尾返屋企，开始陪佢睇医生，同妈咪住，佢有啲老人痴呆，照顾咗7、8年，反而呢段时间好开心，系好无形，但好满足。」张立基同时寄语时下年轻人：「我希望年轻人唔好放弃自己，人生系一段好精彩嘅路程，睇下你点行、点睇，同埋放唔放得低。我成日同人讲，最紧要系放下，系好难做到，但做到就样样嘢都海阔天空。」
提到与MIRROR成员Anson Lo撞样成为热话，张立基说：「最早期有人掟过相畀我话我哋两个好似，我睇咗唔敢讲话好似，冇理到，跟住就有一股热潮出现。」后来萧定一找张立基扮Anson Lo拍广告，他笑说：「纯粹机缘巧合，好老实讲，我唔系为钱，我系锺意玩呢样嘢，拍下戏，搞下笑。」
【其他阅读】：
陈曼娜71岁生日大头合照皮肤光滑 网民惊讶几乎零皱纹：贵气！
陈山聪罕谈「失豪门女婿」后有人落井下石 形容陈敏之曾「当见我唔到」
香港小姐再竞选丨何沛珈弃护士好工选港姐 成《爱回家》最强姣精获关注
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应