梅小青睇好陈展鹏鲍起静夺视帝视后 方俊下月为张伟文摆大寿送温暖

张伟文经理人方俊妈妈丽丽姐日前90大寿，前无綫「金牌监制」梅小青、姚炜、张伟文、胡渭康、环星娱乐老板张国林等出席贺寿，席间梅小青开金口跟方俊唱出《漫步人生路》；张伟文和方俊又合唱《每当变幻时》，姚炜及小青姐从旁打气，曾患过新冠肺炎嘅张伟文十分精灵。

经理人方俊妈妈丽姐日前90大寿，梅小青、张伟文到贺。

经理人方俊妈妈日前90大寿，梅小青、张伟文、胡渭康、王美兰、环星娱乐老板张国林等出席贺寿。

席间梅小青开金口跟方俊大唱《漫步人生路》。

方俊有情有义获姚炜力撑。

之前梅小青接受郑丹瑞节目访时，自爆曾患上初期膀胱癌，左脑有血管又塞咗95%！幸能及时作适切治疗，故完成《法证先锋IV》后退休。问到现时健康状况？小青姐笑晒口形容系十分好，她好开心报平安：「我有Keep住去做检查，医生话我样样都好，健康仲好过佢喎！」至于会否重返拍剧？她表示有keep住义务写剧本，又大赞最近TVB啲剧集好好睇，尤其喜欢鲍起静啲戏。

小青姐形容目前健康状况十分好。

小青姐大赞鲍姐喺《下流上车族》中演得好感人。

小青姐自爆曾经患上初期膀胱癌。

梅小青接受郑丹瑞访时爆出发现左脑有血管塞咗95%！

以小青姐专业眼光，今年视帝、视后又谁属呢？她坦言一向锺意鲍姐：「我有睇《下流上车族》，佢嘅戏一直好感人，以往同佢合作过《法证先锋IV》，佢啲戏超正，搞到我完全唔记得嗌Cut，好锺意佢。至于心目中嘅视帝、视后有好多，但特别锺爱系陈展鹏。展鹏喺《超能使者》中做得好好，而且个剧本畀机会佢表现，佢又捏拿得好好；鲍姐系视后就开心，(两个系胆？)系我期望啫！」不过，最后小青姐都戴返个头盔，强调得奖仲要配合其他因素嘅。

陈展鹏及鲍姐系小青姐心目中嘅视帝及视后。

小青姐跟鲍姐、黄心颖、黄浩然合作过《法证先锋IV》。

鲍姐嘅戏冇得输。

小青姐大赞陈展鹏喺台庆剧《超能使者》中做得好好。

演到声泪俱下。

张伟文冇长新冠愈嚟愈精灵

 

另外，病愈后嘅张伟文庆幸冇出现长新冠症状，而且愈来愈精灵，下月21号系张伟文70岁大寿，方俊决定喺酒楼包场，筵开20席为张伟文摆寿宴庆生：「疫情下几年未能聚会，好多歌迷及朋友对伟文健康非常关心，所以今次以70岁大寿作为主题，等大家同佢庆祝吓。」张伟文跟方俊情如父子，方俊再说：「佢长住老人院比较闷，希望佢能感受到欢乐及朋友对佢嘅爱，令佢更有动力，明年再做演唱会。」

姚炜都好锡张伟文。

张伟文愈来愈精灵。

当晚主人家方俊忙于招呼亲友，不忘安排男助手照顾张伟文，有情有义。

方俊下月为张伟文摆大寿。

方俊咁锡张伟文，难怪成日被人误会方俊系张伟文私生子，好搞笑。

方俊期望张伟文明年再开演唱会。

今年初方俊亲自接康复嘅张伟文出院。

张伟文食好西就开心。

每逢大时大节，方俊会接埋张伟文回家。

方俊仲出钱出力为张伟文放生祈福。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ