Juicy叮｜听母亲建议读护士险抑郁 港女感不忿：「害完一次仲想拖后腿」

自己的未来应由自己决定。有港女在网上发文指，当年在大学选科时，其母亲建议她修读「最稳定兼一定有工开」的护士，并指她「唔想做姑娘就系任性幼稚」。她最终听从母亲的建议，却令自己「嗰5年大学就根本唔知自己喺度做紧乜同差啲读到抑郁，实习做到怀疑人生」，并指责母亲从未关心她的想法，却多次提醒楼主赚钱养她，令楼主直斥「害完我一次仲想继续拖我后腿」。

该名港女昨晚(22日)在连登讨论区以「过左咁多年仍然好憎老母对我做嘅呢件事」为题发文，忆述在公开试放榜时，在未得到她的同意下，将其成绩表向其他亲戚朋友分享，不懂得尊重别人的私隐。楼主又指，到大学选科时，自己的成绩属于中上，但只能选择「神科」以外的科目，并指一直希望可到外国读者，但母亲则指出「冇钱供唔起」，并指「嗰阵除咗好想去外国读某科之外，未有其他科特别想读，冇特别主见」，最终听从母亲的意见。楼主指，母亲当时认为「Science 当然冇出路冇前途，BBA又供过于求，Engine 又人工低，做老师又难搵教席」，因此建议女儿修读「最稳定兼一定有工开」的护士，「讲到唔拣做护士就必死无疑咁，唔理我锺唔锺意开唔开心读唔读得嚟返唔返到通宵，话我唔想做姑娘就系任性幼稚」。

请点击组图浏览：

该名港女指，当年听从母亲的建议，修读「最稳定兼一定有工开」的护士。示意网图

她指，「「嗰5年大学就根本唔知自己喺度做紧乜同差啲读到抑郁」。示意网图

相关帖文随即引起热议，至今已获得近5800个赞好。网页截图

网民纷纷留言支持楼主。网页截图

不过，亦有网民认为楼主自己亦有责任。网页截图

楼主最终听从母亲的建议，但指「结果我身边啲读BBA读engine读edu嘅同学毕咗个个都搵到份唔错嘅工」，而自己「嗰5年大学就根本唔知自己喺度做紧乜同差啲读到抑郁，实习做到怀疑人生，间唔时仲匿埋偷偷地喺度喊，Counsellor 搵过几次」，但母亲对相关情况并不知情。

楼主续指，其母亲从不关心她的大学生活或实习情况，并曾向她表示「轮shift 只系一个礼拜先转一次更好辛苦你咩，返通宵点会唔健康」，直到她开始工作后才惊讶地询问「你打风做咩返工？」楼主又指，「逼完人做啲唔锺意做嘅嘢，然后叫人赚钱养你，食食下饭借题发挥话我喂到你咁饱，到时我老咗你要养我」，并指母亲的说话令她感到烦厌。楼主指，「我有自己人生同将来，唔系话生完我出嚟我就要养你㗎，害完我一次仲想继续拖我后腿」，更直言「就算我搵到钱都唔会同你讲，家用继续 basic minimum，到时有能力一脚伸开你搬出去住更加一个仙都唔会畀」。

相关帖文随即引起热议，至今已获得近5800个赞好。网民纷纷留言支持楼主，并指「做得好，一蚊都唔好畀佢」、「我支持你」、「辛苦你啦，呢啲问题真系一世都解决唔到，基本上无论点讲，佢嗰套歪曲咗嘅思想系转唔返返嚟，希望你可以尽早脱离呢个环境」、「以后唔洗再理佢，唔好比钱佢，努力果个又唔系佢」、「自己人生自己要勇敢去选择，人生得一次，过咗去嘅就忘记佢，但未来嘅路记得要揸返喺自己手呀」等。

不过，亦有网民认为楼主自己亦有责任，并指「推到啲责任一乾二净」、「大学5年，你无理由到毕业先知nursing 呢行系点。过程中有冇搵过出路，转机？你条命系你自己。 与其埋怨，不如呢一刻开始谂下将来条路要点行」、「就当你拣科嗰时小朋友唔识谂，但读到上去觉得读唔掂唔啱读无得赖架喎，捱得完个degree都唔一定做护士」、「虽然你好大怨气，不过自己都要负返啲责任，拣科读果时如果连工作性质都唔清楚，咁我觉得你视野系有啲狭窄」等。

帖文来源：连登讨论区

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ