独家丨谢君豪惊讶Edan掌掴戏求真打好感动 谈善言主动介绍前度参演玩暧昧
2022-11-25 07:00 
59岁谢君豪跟32岁谈善言在电影《过时•过节》首度演父女，虽然沟通不多，但却有种无形默契，作为前辈的君豪更主动多谢阿谈这好对手，令她受宠若惊。君豪亦跟吕爵安（Edan）初次合作，对呢位戏中儿子印象极好。另外两人又大谈鲜有公开的真实家庭生活，而阿谈更首度分享跟旧爱黄宝漳（Mixson）的合作感受。采访：杜杜 摄影：谭志光 发型:Billy Hai@The Attic（君豪）、Larry Ho@Aveda IL COLPO（阿谈）化妆:JulieH@jlab（君豪）、German Cheung（阿谈）服装:Weekend Max Mara（阿谈）场地:FWD House 1881
君豪同阿谈虽然在网剧《心冤》合作过，但因冇同场戏，所以今次才是正式合作，戏中两人饰演一对沟通极少，但不失默契的父女，二人都觉得戏里戏外都有同样感觉。君豪说：「呢对父女讲嘢唔多，系眼神交流，喺平时接触嚟讲，佢都畀到少少咁嘅感觉我，有啲戏里面嘅关系，我好多谢佢帮到我。」听到前辈的客气话，阿谈劲唔好意思，「你多谢我？我多谢你呀！」君豪解释：「演员系要有对手可以彼此相信，互相承传，所以真系要多谢佢。」
阿谈赞君豪风趣幽默
君豪完全零架子，难怪阿谈在围读首次见对方已紧张全消，「佢讲对白好沉稳好有力，但同导演或者毛姐（毛舜筠）倾偈时，豪哥风趣幽默嗰面就走出嚟，令我有种冇咁惊佢嘅感觉。」她这种放松的状况延续到正式拍摄，「我哋有啲戏冇排过，食饭戏或者喺车度啲戏，都系简单望一望，好似戏入面嗰两父女。」
讲到戏中Edan饰演的儿子，跟君豪有不少冲突，他大赞Edan作为偶像零包袱，跟阿谈一样相当好学，令他最为感动，「都有倾吓偈，尤其是嗰场嗌交戏，又掌掴又盛，仲有ending嗰场两父子和解戏，佢都好用心，好在意每个细节，会问点样去投入个戏，好想知道好多嘢，好想令自己做得更加好，呢样嘢系好难得，好可贵。掌掴戏会惊痛嗰啲，佢完全唔惊，仲坦白同我讲『你用力，你嚟真啦！』我觉得感动，演员可以咁样。」
君豪罕谈跟囡囡相处
现实中开朗的君豪跟沉郁角色刚好相反，与21岁囡囡采湳亦相处融洽，自觉是个风趣幽默爸爸的他更笑言：「唔知佢觉唔觉得系呀？相处都开心嘅，我有时都引到佢笑，都会成日吹水，哈哈！」他更自爆囡囡跟戏中囡囡有个细节不谋而合，「佢都系成日戴个耳机，但佢唔系扮听唔到，反而系我以为佢听唔到，同朋友讲嘢，佢会无端端搭嘴，原来佢都冇开机！哈哈！」遗传了爸爸活泼一面的君豪，跟家人的关系一直不错，「我爸爸喺酒楼做厨师，以前交通唔方便，佢喺上水做，有酒席做完先收工，朝早又起身，所以放假先返嚟，虽然返嚟时间少，但返嚟都会同我哋玩，我记得佢会同我哋玩康乐棋，嗰时我得几岁，输咗仲喊，到我十几岁想独立会反叛啲，但冲突又冇，屋企人关系都几好。」
阿谈跟健谈的爸爸关系亦不错，「细个同爸爸都close，佢比较贪玩，会带我去踩单车、行山、游水，反而大啲冇咁多沟通，佢做嘢好忙有时唔喺香港，但佢好锡我唔会闹交。」反而她会跟家姐和细佬有冲突，「我同家姐会打交，试过中学时比较火爆，都唔记得因咩事我哋有啲推撞，一推后面书柜就爆咗块玻璃，要阿妈嚟阻止我哋，不过之后好快冇事。」
君豪审视与太太关系
戏中君豪跟饰演太太的毛舜筠，是对濒临离婚边缘的夫妻，大部份时间都是毛姐在闹他，而他总是默不作声，这亦令君豪重新审视与结婚28年的太太戚婉仪关系，「我会谂戏里面太太咁话我，扭一扭谂法，『佢闹人个样都几可爱吖！』而毛姐见我鹌鹑咁唔出声，又谂『佢唔出声个样都几有内涵』，哈哈！事情咪解决，人火起嚟唔系百分百做到，但都会收一收缰，好似戏入面咁样真系覆水难收，唔系闹完就冇事。（对太太都一样？）一定尽量要咁样，唔好好嬲时闹交，双嗌唔好口，唔系咁意思都会讲到更衰，对方接收再放大，收唔到科。」
阿谈跟旧爱Mixson在戏中有段感情戏，原来最初是她主动介绍对方给导演，「佢本身又系backpacker，性格又有啲似，好似好热情同人相处，但其实又好保护自己世界，呢个角色好啱佢。」她认为两人合作没尴尬，今次只单纯做个介绍人，「我同佢拍过拖，知道佢系个咁嘅人，就觉得好适合佢，未必咁多港产片会用到混血儿样嘅演员，只系觉得好啱佢，冇谂太多。」
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应