Juicy叮｜同事搭单叫外卖惯性走数 打工仔斥「连食饭钱都呃好肉酸」

数目分明可以避免发生纷争。有打工仔在网上发文，指近日发现一名同事「差落好多饭钱唔还」，当其他人向该同事追讨款项时，对方则会表示「冇揿钱冇钱喺身」。楼主形容是一场「骗局」，并直言「咁大个人连食饭钱都要呃真系好肉酸」。

该名打工仔日前在香港讨论区以「同事成日话迟啲畀返钱，根本就系一场骗局」为题发文，指近日较多叫外卖，「可以快啲食完快啲瞓」，但发现一名同事「差落好多饭钱唔还」。楼主指，「有时用App叫外卖，佢会等有其他同事认头落单先出声讲自己食咩，一系落街买外卖佢会搭单买话返到公司畀返钱」，但指由一星期前开始，「我都冇收过佢有畀返钱我」。

楼主续指，对方每次的点餐费用亦不便宜，平均为70多元，在询问其他同事后，才发现对方一向如此，「问佢拎返钱会话自己冇揿钱冇钱喺身，听日一定还」。楼主随后直接要求对方透过电子支付归还款项，但指「点知佢send咗request link畀我唔系畀钱我，差啲畀佢呃到」，并直言「如果真系手头紧咪直接讲，咁大个人连食饭钱都要呃真系好肉酸」。

相关帖文随即引起热议，不少网民直言「直接追啦」、「追钱系难」、「几十蚊咪当豪畀佢罗，下次叫外卖就唔好再预佢，费时烦」、「以后都唔会再同佢夹」、「同佢叫埋冇问题，上到嚟嗰啲饭要佢畀咗钱先可以攞得嚟食，正所谓一手交钱一手交货」等。另有人则分享指，「我哋以前一班同事一齐出去book场踢波好，唱K好，队酒队都啤啤夫都好，第二日都会出一张电邮畀晒所有要夹钱嘅人，列晒边个埋单边个畀咗边个未畀咁。一时手紧拖数亦可，带落下个礼拜个表罗，一目了然。拖得多就自己核突。」

帖文来源：香港讨论区

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgY