世界杯2022｜专栏: 太极虎背水一战无保留

「太极虎」南韩上场虽然仅负加纳2:3，但全场气势就好似猛虎出柙咁，令对手后防非常头痛，亦展示出百分百斗志，输波都值得鼓掌，而球队出綫仍未绝望，因为家只落后加纳两分，而加纳尾场要对急须抢分嘅乌拉圭，稍有差池随时出唔到綫。

艾尔觉得南韩除咗讲求体力化踢法，团体合作亦非常强，此同佢哋本身嘅民族特性，相信有一定关系。领队保罗宾图上场赛后领红牌，今场须停赛，但南韩今场背水一战，仍存出綫嘅一丝希望，球队应该会上下一心，踢番上场对加纳嘅斗志波出嚟。

今场南韩嘅对手葡萄牙，上场赢埋乌拉圭，已经锁定十六强席位。艾尔估计葡萄牙今场会有轮换，俾多啲后备球员落场。前綫除咗留意拉菲尔利亚奥，现效力宾菲加嘅干卡路拉莫斯、RB莱比锡嘅安达施华嘅表现亦同样值得期待。另外，球队嘅「精神领袖」C朗拿度今场估计会继续正选，艾尔觉得C朗上场嘅表现好咗，今场睇下佢同后备兵点样配合啦！

南韩方面，前锋曹圭成上场两个头槌攻门相当有水准，制空力非常强，李康仁等球员亦展示唔错嘅侧击同传球能力。今场南韩如果继续打「烧味波」，不断喺边路传中，对葡萄牙后防都有一定威胁。当然，艾尔相当希望状态低沉嘅「儿子」孙兴民能够打番场争气波，发挥番应有嘅水准，绝对可以令「太极虎」喺反击方面如虎添翼。

南韩今场无咩可以保留，尽全力同葡萄牙拼死一战，对方嘅后备球员亦有一定侵略性，两边互攻下应该有唔少入波，推介全场入球大细「2.5」大。      —艾尔

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ

前锋曹圭成制空力非常强。Reuters

南韩民族特性团体合作亦非常强。Reuters

预计葡萄牙会派副选里奥等上阵。Reuters