Juicy叮｜呻占用放假时间倡折现 打工仔： 「到底边个发明 annual dinner？」

不少公司亦会举办周年晚宴等，让员工可以趁机聚首一堂。有打工仔则在网上发文，大呻被占用部分放假时间，因此大部分同事亦不喜欢出席，直言「到底边个发明 annual dinner？」又建议将预算款项向员工折现。

该名打工仔在香港讨论区以「到底边个发明 annual dinner㗎！」为题发文，指临近年尾，不少公司亦会举办周年晚宴，「有得食有得抽奖，睇落好似几好咁」，但指自己遇过的大部分同事亦不喜欢出席。楼主解释指，「尤其系啲annual dinner 多数都系星期五晚、星期六甚至星期日搞，占用咗我哋部分放假时间」，因此不少同事亦不太愿意参与，「但唔去又好似好唔畀面，所以先至抱住开OT嘅心态焗住去。」

楼主直言，「其实边个叫发明annual dinner㗎，不如拎annual dinner嘅钱折现畀员工仲好啦」，又指「如果同事之间系friend 嘅咪拎住啲钱食火锅、食酒店buffet罗！唔钟意同同事食饭嘅咪拎啲钱买自己锺意嘅嘢，大家都开心」。楼主又指，「我又要谂计睇吓点样体面地唔去 annual dinner啦，惨！」并询问网民有否「好计」可以拒绝出席公司的周年晚宴。

有网民则指，「我哋返工时间食，食完放半日假」、「有得食好过冇得食」、「如果同啲同事fd又玩得埋嘅都无所谓嘅，如果无乜交流就真系几惨」、「都唔一定唔好嘅，如果你同一team人或同事夹，又饮又食有奖抽（如果自己唔使出奖品），其实都ok㗎 ，反正一年得一次，一年几十个weekend，阻得几多啊」等。

帖文来源：香港讨论区

 

《星岛头条》APP经已推出最新版本，请立即更新，浏览更精彩内容：https://bit.ly/3yL