世界杯2022｜专家分析:败军之战 何足言勇
2022-12-17 09:00 
不知不觉，世界杯已经去到最后阶段，剩番落嚟先开打嘅，会系今日晚上十一点开波，由克罗地亚对摩洛哥嘅季军争夺战。
对去到争标最后阶段嘅球队嚟讲，季军争夺战无疑只系一个安慰奖，所以过去几届呢个败者之争，竞争意味唔大。就好似二○一四年嘅巴西，或者上届嘅英格兰，佢哋呢场比赛就派咗部分副选上阵，亦非「打真军」。况且今届世界杯亦正值插喺欧洲联赛中间，好多球员喺完结世界杯之后，休息时间并唔会好多。就以克罗地亚嘅摩迪历同高华锡呢两位球会中主力为例，佢哋球会比赛距离呢场季军赛只系相差十日左右，舟车劳顿之馀再要调整状态投入球会训练，其实时间认真唔充裕。
再者，正常嚟讲大家永远都只会记得冠军系边一队，呢个「世界杯季军」就算赢咗刻在史册上，都唔会令球迷留低深刻印象，实在食之无味，弃之亦唔可惜。
既然系国家队争冠无望，对一班球员嚟讲，保持自己身体健康，返回球会再战应为首要任务。大家心态都比较放松之下，似乎会好似过去几届嘅「争三赛」咁，无乜火爆场面，但入波又唔会少。 -球乐
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应