独家丨萧正楠孖区永权伍仲衡首开实体骚望家属黄翠如开金口

2022-12-19 07:00

萧正楠（Ewin）、区永权（Albert）、伍仲衡（Harry）三个大男人继一齐在网上开骚后，最近终于宣布下月在伊馆举行首个实体骚《HEA Together Live》，能够合体开音乐会，三人有感机会难得，除了会制作新歌赠兴外，还打算邀请家属上台，Ewin爱妻黄翠如更随时会开金口𠻹！采访：杜杜摄影：罗安强服装：jp：by j Peterman 场地：The AIR (The ONE)

Ewin坦承因人生阅历更丰富，现在唱歌会更加识得享受。

对于被指是因主持工作而耽误了歌唱事业，Albert自言一样喜欢做主持，希望未来可以双线发展。

Harry认为经历过疫情，更加体会计划赶不上变化，所以做好这次骚再想下次。

平时三人吹水都爱互窒，访问时一样唔客气不时顶嘴，相当爆笑。

今次个骚以「HEA」做主题，除了用上三人英文名头一个字母外，Ewin解释有另一层意思，「HEA其实唔系负面，HEA系希望观众好Chill好舒服咁嚟听我哋演唱会，我哋梗系唔会HEA啦，你哋就系入嚟HEA，所以演唱会形式，倾偈部份有一定比重，之前online嗰啲骚，大家都好锺意睇我哋吹水时互相伤害，但系里面有爱，插完之后帮佢哋黐返胶布都OK嘅。」

演唱会主题「HEA」，以三人英文名Harry、Ewin和Albert 头一个字母命名。

同囝囝上台一世难忘

三人特别珍惜今次开骚机会，觉得是可一不可再。Albert说：「我哋三个走埋一齐嘅第一个骚，亦都唔能够保证会有第二个，因各自有各自嘅工作，个期都咁难夹，今次真系有今生无来世。」由于机会难逢，Harry专登为Ewin和Albert各自创作新歌，「阿萧入行二十周年，点都要写畀佢，区生寻日send咗啲歌畀我听，佢都想整一首新歌。」见Harry未有歌，Ewin抵死话：「我写畀你啦，但系你唱完，成个2023年都可以唞。」Albert再加多脚，「你呢几年都攰，唞吓啦！哈哈！」

疫情期间，三人经常一齐开Live已储落一班fans，更鼓励他们开实体骚。

Ewin 2001年在伊馆参加歌唱比赛夺冠入行，想不到廿年后再在同一场地开骚。

1999年以组合星盒子出道的Albert，近年做主持为主，畀外界形容为「被主持耽误的歌手」。

讲到邀请表演嘉宾，Harry话未落实仲砌紧，不过人夫Ewin就好威威咁话，「家属就唔使请，唔嚟就唔系家属！（黄翠如撑场？）后台都会递水，但前台就真系唔知啦！」Harry鬼马话：「佢可能系神秘嘉宾。」Ewin冇反对：「呢个位认真谂谂啦！」至于Albert就肯定全家到场，更有望搵埋细仔一齐上台，「好多人留言话我细仔学打鼓，但佢打鼓系冇压力，因为疫情所有考试都喺屋企或者琴房，有好多take先攞最好嗰take去，如果上到台得一take，佢能唔能够handle到，要访问吓佢先，但一齐上台真系会一世难忘。」