冯允谦投入拍摄 纹身伤疤眼红红

今年「唱作王子」冯允谦（Jay Fung）多首派台歌都有杰出成绩，由情人节冧到晕的《 报复式浪漫》、受疫情影响困在屋企闷到发恶梦的《 Freakin' Nightmare》、挚亲离世无法出席演唱会有感而法写的《 给缺席的人唱首歌》和送给受情伤的朋友《Take A Breath》等，全部都登上流行榜冠军位置。当中《 报复式浪漫》更获得五个台流行榜的No.1，为Jay Fung带来首个大满贯纪录。早前派台的新歌《Me And The Moon》充满节日中单身寂寞感，广受欢迎。

Jay Fung说：「今次新碟主题系『LOVE』同埋『LOSS』， 即系『爱』与『失去』，点解会有呢个主题？2021年嘅时候， 我感到屋企人、朋友，Fans都俾咗好多爱我， 开始造新碟时写好嘅歌关于『爱』，旋律比较轻快和开心。」 所以就创作了甜蜜情歌《报复式浪漫》，之后Jay Fung的创作亦随著经历和感受。他说：「 大约今年三月时感到好忙，好多事情发生，无得放假，写咗一首《 Freakin' Nightmare》。七月举行咗我首个个人演唱会， 好可惜嫲嫲嚟唔到，我写咗首歌《给缺席的人唱首歌》送畀嫲嫲。 今次专辑除咗爱情歌，仲有啲歌写失去和遗憾，纪录我嘅成长阶段， 影嘅相亦都比较成熟。」

去年Jay Fung 唱片配合吸血鬼三步曲，以红黑色为主调，充满电影感。 今次全新专辑《LOVE & LOSS》走成熟风格，以沉实色调。唱片封面Jay Fung颈后有纹身，手臂和脸上有伤疤特技化妆，像真度极高， 他笑说：「大家唔使惊，唔使心痛，系特技化妆，好似呀！」

为配合拍摄概念，Jay Fung承认情绪低落了大半天，拍摄期间还眼红红。他说：「 LOSS部份设计师和摄影师想用伤和痛去表达， 除咗以纹身和伤疤化妆加强感觉，仲影好多感觉好沉重嘅相， 拍完成个人情绪down咗好耐！呢个经历好特别，有少少辛苦， 但出嚟啲相我好满意，同平时嘅我好唔同，畀大家见到我另一面。」

为配合拍摄概念，Jay Fung承认情绪低落了大半天，拍摄期间还眼红红。

Jay Fung表示今次的新碟主题LOVE同LOSS， 即系爱与失去。