Juicy叮｜遭十多只野猪包围的哥焗等 行家呻：去嗰度屙笃尿都唔敢

野猪新年巡游？有的士司机夜深在西贡亚公湾公厕对开一度被十多只野猪包围，在车上焗等10分钟。有网民笑指的哥应「留下过路费」。

楼主的哥今日（2日）凌晨2时半左右在facebook专页「的士司机资讯网 Taxi」上载相片时留言：「今晚生意已经够晒静⋯仲要落完客出嚟路口俾佢哋包围（唔知系咪我车头暖唔肯走，等佢哋散开等咗10分钟至走到⋯之后仲有师兄转咗入嚟，祝佢好运）」。

现场情况及网民回应请点击组图浏览：

涉事的哥表示在车上焗等10分钟。网图

野猪夜深在西贡亚公湾公厕对开包围的士。网图

的哥留言指「落完客出嚟路口俾佢哋包围（唔知系咪我车头暖唔肯走）」。网图

有网友指「西贡同石澳都系野猪嘅集中地」。网上截图

有行家指「 上次其中一只撞我车头， 次次想去嗰度屙笃尿都唔敢」。网上截图

有网民提醒「要小心唔好整亲佢哋吖！」，楼主无奈地指「我唔敢响咹，焗等」。回应的行家分享经验指「我上次大声响咹佢都唔走呀」、「我都遇过，下次你可以慢慢郁，佢地自然会散开」，并有人指「亚公湾公厕附近啲野猪好恶，上次其中一只撞我车头，次次想去嗰度屙笃尿都唔敢」。

有司机则发现野猪们之后的去向，指「头先佢哋最后行咗出嚟清水湾道马路中心，黑麻麻好彩冇打保龄」。另有行家指，昨晚在港岛半山宝珊道准备上厕时，一落车也遇上野猪，唯有退回车上憋著尿。

相关新闻：
野生动物禁喂区明起扩展至全港 违者最高可被罚款1万：https://bit.ly/3Xg7q3p
Juicy叮｜野猴化身「野猪骑士」郊野深夜暴走 拍片姐魔性笑声更引人：https://bit.ly/3Q7C1xy
Juicy叮｜上环野猪游渡海泳 水警抛救生圈救援：https://bit.ly/3CfmDtj

虽然有网友指相中的野猪「巧打耳」、「猪猪好得意」、「d猪仔几得意」，但有网民直指「唔发生一两单大嘢啲人都唔会惊」、「西贡同石澳都系野猪嘅集中地」。有人提到早年情况还好，有「民间狩猎队」对付野猪，但「近年取消埋。唔准打唔准捉，数目只会激增！走到市区易生意外」，认为政府应想个妥善的解决方法。

帖文来源：的士司机资讯网 Taxi

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ