刘銮雄记者会！大刘足本版全笔录形容吕丽君、李嘉欣句句有骨

2023-01-03 20:48

大刘刘銮雄今日（3日）现身记者会分代皇室堡事件以及与吕丽君的关系，历时一个半小时，大刘一现身便友善问记者想如何安排，随后便由他先发言再发问。

【相关文章】：

大刘忆述当日皇室堡的真实情形：

大刘说：「首先我想由皇室大厦，我想澄清下，第一公司处理得唔好，被个男人踎系条柱，我无位过，当时过节好多人，平时屋企行路、出街少则都有1个保安畀我扶，多则有2个，我行行下会休克，呢啲系事实唔系作出嚟同自己解释，呢条友我就细细声叫佢，唔该你起身啦阻住人过，佢唔系答我好，系答我好攰，所以我要坐低休息，叫极佢都唔肯起身，自私自利，咁我当时过唔到，我过到得一个方法就系掂到佢身过，咁有几个问题会出现，人一转身一撠，撠到我，我会跌落地下，小则跌断一两条骨，重则后脑落地会死，我见到商场啲人大部分人有戴口罩，少部分人没戴口罩，若果我经过掂到佢哋，万一佢哋中招传到畀我，我是『九死一生』。仲有一样仲恐怖，万一畀个阿伯认到我，唔系拎综援住劏房的大刘又嗌非礼，个阿婆见到我唔使拎综援住劏房又嗌非礼，或者想强奸佢，你唔好以为我讲笑，喺五六年前我唔肯定咩时间，有个大陆女人带住个囡上嚟，嚟公司话要上嚟见我，楼下保安见到唔畀佢上嚟，佢又扮走，保安唔系度就闪上嚟我26楼写字楼，做乜嘢呀，话要带个囡上嚟要我照顾佢喎，一世照顾佢喎，梗系唔会出嚟见佢啦，我系写字楼办公室入面，话我唔见佢就会叫记者来开记者招待会。后来我律师话咁样系刑事恐吓，又同佢讲再唔走报警拉佢，咁样系刑事恐吓，我唔见你就开记者招待会，当你见到呢啲你惊唔惊，梗系会惊。」

大刘讲「狂躁症」：

「好似我今日见报纸，报纸话我有『狂躁症』，我有啲说话要讲咁多位记者写低，狂躁症我一定无啦，创伤后遗症就好多，你知唔知咩叫创伤后遗症？即系撞车死唔去咁又好惊呀，例如呢啲话要我照顾，唔照顾又会咩嘢呀，好多好多我唔怕喺度讲，有个呃伦敦金2亿几银，唔识佢㗎，无端端送盒茶叶上嚟我公司，但当你送盒茶叶畀我我唔识你，已经有古怪，唔使一分钟我都知咩事，我十几年前识得个女律师，佢个男朋友又系姓萧嘅，佢就系间律师楼做，咁个律师楼系佢打呢个电话畀我前三日，我就系间律师楼分咗身家畀我啲仔女，咁个律师睇到里面，原来咁发㗎唔使做伦敦金，成世做伦敦金都唔够发，日日都有人打电话嚟打我主意，呃咗2亿几银伦敦金走甩左，警察冇佢符喎，佢都够胆打电话嚟，话送盒茶叶畀我，又话识我妈识我妹，但我唔识佢喎，不如你话识我祖先汉高祖刘邦呀。我讲出嚟唔系想人同情我，我自己都系高危人士，亦都换了肾，亦食抗排斥药，身体抵抗力受抑制，自己打了五针，但医生话我只有3、4成抗体，我唔系怕死，因为我最细个女得4岁、个仔得10岁、个女得14岁，我想条命长多几年睇佢哋大，所以我好惊掂到人，有啲人仲话我有洁癖，呢啲全部系废话。所以我当日唔敢过有几个原因，好怕被人撠低、好怕中招、好怕被人认出又屈我畀钱呀！大把人日日上嚟我公司，敲诈我诈我型！我秘书个个都有纪录。」

大刘讲萧若元：

「我今朝睇到萧若元喺影片，喺佢平台讲到同我好熟，食过十几次饭，单独都食过2、3次，我净系见过佢一次，就系佢老板黄玉郎系公司，一次咁多，但佢系网站讲话见我十几次，点解呀，我都同情佢可怜佢，我做呢啲网站都发达啦！佢都系想多人睇多人听，就会多广告，点赚钱呀我真系唔识，但我同佢唔熟。佢系叻人，但叻有咩用，呢个世界专收叻人，唔系点会搞到佢家姐间上市公司破产，佢个仔生意失败破产，佢又争人钱走咗去台湾，真（事）我唔怕讲，如果我有讲错，任何人欢迎上嚟同我挑战，你睇我无带稿。」

大刘讲吕丽君：

大刘开腔讲到吕丽君，他直言：「我最嬲系咩，最唔想畀人见到我同吕丽君一齐！唔知大家有无睇《爱回家》？里面有个角色叫「食屎陈师奶」，我唔理佢有冇食屎、系咪陈师奶，总之当时见到有个师奶影我相，我无嬲佢，佢啲人层次系咁我唔会嬲佢，但当我见到佢相机影到吕丽君即系吕姵霖我就嬲！因为我唔畀人见到唔想畀人误会，或者被人造谣，话我同佢行商场复合，你哋听唔听得明呢个就系重点。唉，当日我嬲完就走啦，点知隔两日便有网上打手『边个大获全胜全家搬返我屋企』，我唔识上网㗎，呢啲咁嘅网上造谣，唔系皇室堡开始，呢啲已经8年，8年来点解我唔出声呢？」大刘突然问及现场资深记者，有没有听闻以前「福临门塞春卷」事件，我要澄清我有嘢讲，我无做过，谂都绝子绝孙，话塞春卷呀、乒乓波、网球、迟啲话我锺意畀人塞添，把口在人地度，要屈你有几难。（点解当时唔澄清？）我都有谂过澄清，若果100个有1个冇澄清就话真，系怕蚁多嬲死象。」大刘提到有日睇电视，被剧集影射与某人去旅行，「话我去坐飞机闹到对方喊，仲拎支票出嚟签个名掟落佢块面，识我的人都知我从来不带支票，因为我签名核突唔怕讲，但有人咁作，我唔系核突佬，识多几个女朋友，唔系住劏房拎综援就会有人话你，我讲真㗎，以前几多朋友喺背后讲。30几年好多嘢忍得好辛苦，有啲仲要继续忍落去。如果你哋识萧若元，唔该同佢讲，我帮咁多贫苦人唔介意帮埋你，求求你搵食借其他人个朵，借蔡英文个朵搵食，唔好借我个名废话，讲三讲四，搏咩呀，有狂躁症？我虐待过你，从来就没有私人见面，蹹得就蹹。」

相关阅读：刘銮雄记者会！大刘亲解与吕丽君见面：有啲人天生性格到死嗰日都唔会改

大刘又再度提到萧若元，对方指皇室堡事件中的男子是吕丽君所指示，大刘说：「我觉得绝对唔系，我喺呢度要澄清，点解我话唔系，我喺商场行走江湖，呢个人都睇唔清，我真系要剖腹自尽，但有些人加盐加醋，任佢哋讲就得啦！」随后现场律师再读一次大刘早前发出的声明，大刘表示听毕后有好多话想讲，又说：「首先，财产处理上面系陈凯韵与家人，要特别澄清，因为这句容易有误会，系包括陈凯韵以外㗎，唔知以为系陈凯韵同细路，我想澄清意指除了陈凯韵与三个细路，仲有我嘅家人，可能包括吕小姐仔女，可能包括宝咏琴以前的仔女，费事畀人话身家系陈凯韵掠晒，绝对无咁嘅事。我最大个仔都43岁，我未有其他细路前，我系得佢呢个仔同埋佢个妹呢个囡，到后来吕丽君生、陈凯韵生，佢都系最大，除了读书叻，做得嘢事少，个人又成熟，我最开心是他好肯做好多善事，系我最开心，呢啲系我要补充。讲真要处理财产，我不怕和大家讲，当时处理财产是与陈凯韵结婚两日，律师同我讲，财产在信托都唔安全，都会有机会有人拗和打官司，未安全，所以我想了2晚决定牺牲小我，全部送晒出去，我曾经同律师讲，宁愿畀错人，都不想益天下极坏极坏极坏的恐怖份子，呢度我澄清一样嘢。我想讲返呢8年网上打手，我唔识上网、唔识用智能电话，但我都知是请人用网路打手，搵人吹下畀钱就得，好多人锺意用网路歌颂自己踩人，有单嘢仲写我同陈凯韵结婚呀，系报恩佢阿妈畀咗个肾我，我要换肾都搵个后生啲，60岁人都仲要搵个老肾去换。新闻写就系陈凯韵阿妈换咗个肾畀我，我就要被迫同佢结婚报恩，边个有利益冲突讲呢啲嘢呀？呢8年真系忍好多嘢，有好多真系唔讲得，系惊影响你哋生命安全，费事累你哋。」再次提及吕丽君，大刘说道：「今次帮吕小姐，若唔系考虑到两个仔女一个12、一个20岁，我决定帮或者唔帮，平时决定系0.1秒，今次做决定谂咗足足两分钟，唔系数目大细，系应该定唔应该，系唔想有难堪的事出现影响细路，为佢仔女保留一点尊严。我都要保护我自己、保护陈凯韵和仔女，保护其他仔女，我睇到特首李家超在电视讲一句话好认同的，就是害人之心不可有、防人之心不可无，我听到拍手掌，希望记招之后有人收敛啲，啲网路打手大家都不好信，如果你地有怀疑，不如速速打畀我！其实好Sad，我见过好多人，有啲天生性格到死嗰日都唔会改，我能够做咩，我只是普通人，只有默默地黯然接受。」

大刘提吕丽君的困难：

随后大刘表示若非得已都不想开记者会，著记者有甚么都可以问，想到便会讲，问到吕丽君有何困难？大刘拒绝透露：「我都知道你哋会问，但我真系唔想讲，我本人做事是今日留一线、他朝好相见，唔会赶尽杀绝任何人，唔止吕小姐。有留意财经金融地产的人好快会知，我就唔方便讲，如果唔系为咗仔女，我都极度唔想帮。」关于萧若元讲任何说话，问会否要求收回及采取法律行动？大刘表示：「我绝对唔会，第一他在台湾，我都识台湾朋友，但若每事我都采取法律行动，变相是益了他，我谂都不会谂。我今日庆幸都搵到稀粥食，我不影响到后代，有些人好惨为了搵食，好多人要卖身，我庆幸自己勤勤力力，借外母15万唔敢讲搵到好多，搵到餐安乐茶饭食，但若果他继续讲，我会继续讲，打击佢令他无任何信用。但我不会专登去做，大家相识一场，我亦好谅解他，如果我都要在平台呃like就大镬啦。」

问若吕丽君他日再有求会否拒绝？以及会否担心事件令大刘难以见到仔女？他表示开记者会已预计所有事，「兵来将挡、水来土淹，人哋有选择做什么，我好惨我没有选择。」问到与吕丽君的仔女有没有见面联络？刘銮雄沈默一会说：「8年前发生的事不方便讲，当时见得好密，8年前发生一件事。」大刘再沈默一会续说：「件事牵涉到钱，因为钱露出她的九尾狐真身，用了好多法律方法解决所有事，自此之后，她就好少好少比仔女我见，系8年前某一件事后，现在我肯去帮某些人后就见多咗，但见得多时都要小心保护自己，有次我同个女去行街买衫，她阿妈（指吕丽君）就说要个女锺意我出来陪她拣，我话不用，怕SALES见到又以为复合，结果当然不肯出来，又话不如叫名店拎衫去家里拣，里面有伏，我叫秘书对她讲，她又不是不认识名店可以自己叫，到时又话刘生打嚟，又话复合，这些我都好避忌。我会好小心，尽我能力去照顾两个细路，但照顾都要步步为营。」讲到吕丽君时两度企起身，问大刘是否也是机会讲起事件？他说：「屈起来都不止8年，最大件事是10年前，但唔讲得会影响到你哋，有些女朋友是娱乐圈便多是非，便很多加盐加醋，我早几个星期才和老婆陈凯韵讲，我要努力作战到寿终正寝为止。」有记者问及早年的电话录音传出会否有影响？大刘说：「你认为有冇影响呢？一定有，但系（以）我咃功力，咁样影响到我，不如去剖腹自尽。」问吕丽君在大刘心中是怎样的人，他说:「我真是不方便评论佢，讲七七四十九日都讲不完，要扎营大家喺度讲。陈小姐有没有不开心及嬲？她点值得，她知咩事，皇室堡件事她都在香港，隔几日就去日本，仲叫埋我去，但我多嘢做好攰，想屋企瞓多几日觉没去。（吕小姐好有机心？）你形容得好肤浅，机心太肤浅，深入会喺咩你自己研究下，吕小姐在某方面好叻但搵唔到食，嗡得就嗡。某些方面我同老婆讲，佢好蠢唔系扮，佢都不信，但现在信了，总之她（吕丽君）在我面前诈傻扮懵，真傻真懵又有乜用，在某人面前无信用，讲咩都无人听。如果大家知我讲一套做一套，都唔会听我支笛。我都被人呃㗎，若银码计你哋都不敢想像。呢个问题（有机心）问得好，但不适用在某些人身上，有些人是ET外星人、个心无心跳，好似《画皮》唔系人嚟。」

大刘讲前女友：

传言大刘很照顾前女友？他表示唔识答：「有啲真系助养，但不是全部，值得的话就会做，我2、3年前汇了笔钱，是天文数字畀53年前的女友，你都想像到佢有几老，呢啲咪值得照顾，唔系全部前女友都照顾。有啲无良心，有人贱到无伦，我知娱乐圈都不少。之前有女友，两姊妹夹埋冒我签名去申请油卡，唔好彩比我会计发现，如果报警咪死梗，但我无报警，你哋太老咁都得。」而大刘又主动提名下尖沙咀商场The ONE，称「The ONE」是儿子刘鸣伟所改，大刘更表示：「我本人任何思想环境下、私人和工作上都无谂过一个字叫『The ONE』，当有人想搵老衬，成个广告版放上来叫我秘书登广告，我都会帮做。」萧若元指商场名义指其一生中至爱？大刘即「钊」了一声，并说：「我英文好水皮，个稿系人咃交嚟，叫我秘书去呃个老衬，可以讲七七四十九日！」对于传闻太深入民心，有记者建议大刘开个频道去澄清，他表示：「唔系（点击）过百，系过亿呀！我真系想开个频道，屋企人话唔好，会好容易被人骇入去、被骇讲黄丝、讲反中乱港；我真系想讲我见到火滚的事，但一阵被骇入去，话我讲想边个落台，咁我就仆X。」大刘又表示：「万几蚊电油都杀，乜人都有啦，仲有啲呀，结咗婚两三年呀，一年都同我攞几个鳄鱼皮、钻石手袋啦，又话我送个手袋出嚟执返剂，凉茶就可能有！如果我肯执，可能排到黑龙江呀，我依家行路都行唔到，地下有张银纸都执唔到呀。」

大刘讲李嘉欣：

大刘表示怨屈气忍了30年，「刘生今次唔系豁出去，虽然唔会舒服啲，但只系想澄清，唔想畀人造谣是非，包括女人好、萧才子（萧若元）好，话我狂躁症、话我最爱系李嘉欣、又The ONE，唉！（考虑商场改名？）梗系唔会啦，我个仔改㗎，我做嘢好笑㗎，我买皇室大厦都无改，我使改？乜嘢都有人作，因为啲人唔抵得我，搵少少又多几个女朋友，我要抹黑你呀，任你讲㗎喎，个口摆人哋度，我平时去街有晒行事历，秘书、佢家姐（陈凯韵）都知！我大胆讲呀，娱乐圈鬼同魔就多！神就无啦，除咗歌神有个陈奕迅。我做人都有道德底线，嗰个人成功咗啦，我替佢开心呀，唔系咁易搵。」问到有否绯闻女友是值得一赞？大刘称：「唔系娱乐圈有好多，但娱乐圈？I Am Sorry，无，系绝对绝对无！即系同我有绯闻嗰啲。」

【点击逐句重温睇大刘记者会「十大金句」如何句句有骨讲到好劳气】：