拍拖11年女友突提分手 港男：依家同拎我条命无分别｜Juicy叮
2023-01-14 11:25 
相信不少人亦曾面对过分手的伤痛。有港男在网上发文指，拍拖11年的女友最近以价值观不同为由提出分手，令他感到意外，并直言「佢根本系我命根，依家同拎我条命系无分别」。
该名港男在连登讨论区以「同个一齐左十一年嘅女朋友分咗手」为题发文，提到在上月的圣诞节，与他拍拖11年的女友以价值观不同为由提出分手。他指，对方坚持分手，「佢觉得咁样对大家系最好选择，无论我讲乜做乜，佢都系坚决要离开，都确定咗系唔关任何第3者事」。他续指，两人在学生时期认识，「一直拍拖去到中学/大学，到依家大家出嚟做嘢都系长期热恋期」，并指他们并非「揽头揽颈锡锡嘅情侣」，在外出时亦甚少拖手，「只系平排一齐行，但系大家系会feel到好爱对方」。他指，自己是「果类围住女朋友转，无乜朋友无乜同事嘅人，日日见佢日日同佢出去玩食嘢做运动跑步」，而对方的性格喜好则与他相反，「佢系喜欢出去玩嘅女仔，锺意自由锺意识朋友圈子」，但双方一直互相迁就及包容。
楼主感受及网民回应请点击组图浏览：
他又提到，虽然女方会嫌他「烦、长气」 ，「又唔会成日好似个女仔咁关心我、氹我」，但是「佢又唔算系太港女，唔特别追名牌，唔会管住我，情人节生日唔会要求要咩名贵嘢，食啲咩高级餐厅，同佢食餐佢锺意食嘅嘢佢就会好开心」。他指，双方会互相取笑，「好似朋友咁嘅情侣」，并指「我同佢嘅生活就系简单而又开心咁过咗11年」。他又指，一直视对方为结婚对象，因此女方突然提出分手令他感到意外。他直言，「佢根本系我命根，依家同拎我条命系无分别，我所有精神时间心血都摆晒喺佢度」，并指自己既会协助对方洗衫摺衫等，亦会协助解决生活上的问题，又会驾车接送她上班下班，「一谂到曾经嘅习惯，咁普通嘅举动，依家都变咗奢侈，我想做都无得我做，就眼泪不停流」。
相关新闻：
Juicy叮｜港女见家长后惊觉缺生活常识 惟男友一行为令网民力劝分手：https://bit.ly/3CM93xV
Juicy叮｜与女友嘈交阿妈一原因吁女方分手 港男：「嬲到爆炸」：https://bit.ly/3XsLcuN
Juicy叮｜港女与初恋男友分手8年后竟成为下属 网民反关注一细节：https://bit.ly/3GFtjCq
他指，「一齐咗咁耐，根本已经成为我个人嘅一部分，佢改变咗我好多，教咗我好多嘢」，并指由于曾与对方去过不少地方，「依家去边都系佢嘅身影」，并指「曾几何时成日想发达，住大屋买贵表贵车，去到依家呢一日，我竟然无晒呢啲欲望，直程系觉得你送畀我，我都唔会开心」。他续指，现时只能尽量放低，但间中亦会重回曾一同到访的地点并怀缅一下过去，「有时我仲会揸车兜入去佢个屋苑度，兜个圈出返闸咁，好似之前送佢出入咁，我知好傻，但都叫做个心舒服咗小小」。
相关帖文随即引起网民讨论，并有不少安慰楼主，又指「唔知讲咩好，系好痛，楼主顶住呀」、「so下位更好，拍得咁耐都唔值得」、「其实都系嗰啲藉口，加油move on」等。有人则关注「即系咩价值观有唔同？」、「话分手就分手，真系一啲预兆都无吗？定系你一直无留意？」、「生活工作上有冇咩大转变?」、「唔好意思，咁系发生咗咩事变到咁？」等。有人则提醒楼主要先学会爱自己，并指「唔好将爱自己呢个责任交晒畀第二个，自己要爱自己。就算天下无人爱你，都仲有自己爱自己，将啲时间同金钱使返晒喺自己身上，缘份到嘅时间自然会有人爱」、「爱多啲自己先会好过啲，我谂你都忘记咗点爱自己了」等。
有人则直言「老套讲句，你想佢返转头先做好自己，等佢后悔到时你再选择要唔要返佢，而唔系好似依家咁怨妇」、「唔会系突然间㗎喎，除非你哋有好明显分歧，但夹唔到都唔会一齐咁耐啦，女仔分得手好多时都系出现咗第二个」等。另有人则指出楼主与女友的感情可能一早已出现问题，并指「净系讲你一味有几好，定系一直有问题你自己唔知？」、「出街手都唔拖已经劲大问题，仲话大家热恋期好爱好爱」、「楼主觉得大家仲系相爱，但其实女方应该一早已经淡咗唔爱，只不过无讲出嚟。去到佢做好晒心理准备就会走，所以表现到好绝情，好快放低，只不过女方提前move on咗咁解」、「其实咩都系假，只系已经唔再爱。一齐咗咁耐激情一早冇晒，有嘅只系细水长流。将爱收喺日常，但一齐好耐突然发觉已经唔爱，咪分手」等。
帖文来源：连登讨论区
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应