独家丨张伟文70岁大寿后再中招幸属轻症 病愈好胃口唔怕死：无憾了

去年2月中，刚70岁的「靓声王」张伟文因为在安老院舍感染新冠肺炎被送往广华医院，住院期间病情一度恶化，幸最终大步槛过。经过大半年调理身体，健康向好，并完成馀下两场个唱。原来去年尾大寿后，因为安老院舍再次大爆发，张伟文又一次中招，好彩今次只属轻症，好快康复。屡受病魔考验，张伟文强调唔怕死，因为有身边人及fans爱锡自己，又有歌唱，无憾了！采访：方骞平 摄影：罗安强

张伟文离开安老院去饮下午茶，笑容再现。

柯打第2 set下午茶，即夹炒面入口。

去年2年中，张伟文首度中招，出院后仍然周身唔舒服。

去年初张伟文感染新冠肺炎，半边肺花了及血含氧量偏低，情况一度唔乐观，出院后经理人方俊keep住煲汤为他调理身体，之后又有补场演唱会寄托，伟文愈唱愈强，成个人精灵返。

用野生当归、党参、北芪等煲成嘅乌鸡瘦肉汤能提升血气，方俊日日送汤水。

有爱心靓汤饮。

再次感染病徵不多

张伟文日日在安老院舍做快测均只属「一线」，加上他近年失智症变得严重，无法向身边人表达身体状况。去年12月21日现身酒楼庆祝70岁大寿时明显跌watt，见他不时合上双眼一脸倦意，之后证实确诊。据知，张伟文是入住的安老院舍第20位受感染老人家，病后被送往石硖尾社区中心隔离7天，不过，今次只系流鼻涕及有咳，病徵不多。对于第二次中招，张伟文唔太记得，讲返都唔多担心：「我好似冇乜嘢咁喎。」

去年尾张伟文70大寿时状态不佳，令人担心。

病愈食Tea好胃口

不良于行的张伟文𠵱家最开心系食同唱歌，上周方俊接张伟文到安老院舍附近的餐厅食tea，已完全康复的他相当好胃口，一口气食咗两人份量有炒面、炸鸡中翼及全只热狗嘅下午茶，之后再追加炒面，期间仲好好唱口，唱咗两句《帝女花》，要证明病后唱歌仍然冇问题。重提当日70大寿令人担心嘅状况，张伟文已「断片」，但睇返手机相片就重拾返些少记忆，他说：「其实摆大寿冇乜嘢呀，我一直都想见吓朋友，嗰日完全唔知病咗，话唔开心系因为有啲攰，唔能够尽兴…呢件事令身边人受委屈，不过，无聊说话永远讲唔完，唔好理喇。」

睇手机内相片，重拾70大寿时的零碎记忆。

柯打第2 set下午茶，即夹炒面入口。

食完下午茶，张伟文就扭计话个肚、双脚有啲唔舒服，要返老人院休息。

新一年望再开个唱

说到新年愿望，张伟文希望世界平安，另又坚持好想继续开演唱会：「坐轮椅开演唱会唔辛苦，锺意唱歌唔介意坐得耐，仲好enjoy添，但要有啲新意，可以做啲自由嘅嘢，想唱乜就唱乜，你眼望我眼就好唔自然。」经历过两次中招，张伟文冇担心过生死问题，他淡淡然说：「每次喺做嘢嘅地方见到有咁多人锡我，而经理人系最好㗎喇，佢见到我好会好开心，我信得过佢，做人最紧要系互相信赖，所以冇憾啦。」

 

台上张伟文见到fans支持，激动爆喊。

去年张伟文开演唱会，场场爆满，有好多忠粉为他打气。

去年张伟文补返举行两场个唱，姚炜、方俊系表演嘉宾。

朋友姚炜、周启生、方丽盈等陪住唱歌、吹水，张伟文最开心。

张伟文曾公开感谢经理人方俊有情有义，出钱出力照顾。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ