东张西望丨婆婆被细仔偷420万身家 追上门被新抱发烂渣出扫把打人 最后报警变埋刑事
2023-02-04 22:30 
TVB节目《东张西望》连续两日报道80岁翟婆婆疑被初创公司CEO细仔，盗走家中近200万元现金及金器后，连联名户口共约220资产亦被掏空，户口仅剩921元存款，现在要靠大仔照顾过活。昨晚（3日）播出的一集，《东张》与翟婆婆和其大仔到细仔大角咀寓所对质，翟婆婆与大仔与细仔老婆一度起冲突，最后报警收场。
【其他阅读】：东张西望丨80岁婆婆被CEO细仔偷420万资产得返921蚊 上门对质新抱发烂渣掟烂咪
【点击睇翟婆婆终见曙光】：
今晚（4日）播出的《东张》继续跟进翟婆婆个案，翟婆婆与大仔到细仔寓所对质，当时只得细仔老婆在家，当提到钱时，细仔老婆即刻发难，更掟烂《东张》两支咪，后来双方报警处理。不过报警后，细仔老婆的态度突然180度转变，对翟婆婆嘘寒问暖，不过翟婆婆没有理会，反问：「佢返嚟未啫？」不过细仔老婆没有理会，在旁的大仔忍不住说：「我阿妈问梗你钱嗰啲嘢。」细仔老婆表示：「关心老人家健康先啦！我哋一心一意对你好。」大仔则反驳：「所以攞晒你啲钱、银行簿。」之后大仔突然大叫：「你唔好嚟啊！我开门啊！攞扫把打我？我一世人都未（被）打过㗎！」由于镜头只能拍摄屋外情况，但从声音得知细仔老婆以扫把打翟婆婆大仔，随后继续一轮口角战。而《东张》团队在门外一直尝试联络细仔，但对方始终未有接电话。
其后三位警察到场，但态度似乎希望大事化小，其中一位警察更一度叫翟婆婆入禀小额钱债审裁署处理，不过有另一名警察似乎发现翟婆婆今次的涉案金额，远超于小额钱债审裁署的7.5万元限额：「直头要去高等法院㗎喇。」之后在细仔家中找到翟婆婆的身份证及八达通，细仔老婆却说：「唔知啊，呢个袋不嬲都放喺度，你搵到你咪攞罗。」在场女警向细仔老婆表示：「你第一句就同我哋讲话唔知，之后又讲得出啲嘢系佢嘅，又话佢畀你，你前言不对后语。」不过其中一位警察继续说：「呢度你开唔到file㗎喇，点样证明啊？合法挪用嘅话冇案㗎！」虽然大仔继续反驳，但警察却说：「你可以请教返你律师。」即使当场找到翟婆婆财物，警察亦无落案处理。翟婆婆在事后直指细仔老婆用扫把打人，将她推出门口：「可能佢心虚啩。」
明显有盗窃成份
《东张》主持李旻芳随后访问陆伟雄大律师，问到联名户口是否其中一人可以随便提款，陆律师表示：「喺银行嘅角度嚟讲系，但要先睇呢个户口系点组成。阿妈（翟婆婆）好明显系呢个户口唯一存款人，个仔一毫子都冇贡献过，加细仔个名纯粹系为咗方便打理，产生咗信托嘅关系，细仔用任何钱都要同阿妈交代。」陆律师续指如果细仔将钱用作自己用途，是破坏信托关系：「呢种行为系属于盗窃罪入面，较为严重嘅类别，如果佢真系被判坐监，佢会坐得长啲。」陆律师更表示今次个案明显有盗窃成份：「好明显，虽然佢（细仔）系户口其中一个持有人，但佢身份只系一个代理人，工作只系保管或者管理呢笔钱。呢个户口嘅组成已经有个目的喺度，你系唔驶将啲钱转去另一个私人户口，而且个户口系你私人户口，呢度正正有一个表徵，证明有可能当呢啲钱系自己嘅。」
陆律师得悉翟婆婆个案后，亲自陪同她再到警署落案。进入警署逗留4小时后，陆律师终于成功说服警方，将案件列为刑事案件处理：「头先去CID刑事调查科录咗份口供，有可能交畀其他区处理，而家已经启动第一步。」报案后，一直眉头深锁的翟婆婆成功落案后，心情似乎轻松不少，终于重拾笑容。到警署落案5日后，大仔获葵涌警署联络，再次落口供。虽然司法程序或会扰攘多时，但翟婆婆终于能看到曙光。
【其他阅读】：
杨千嬅49岁生日老公丁子高豪搞奢华紫色生日P 再去瑞士滑雪胜地叹世界
新四十二章｜龚嘉欣被发现「飞钉」抢晒镜 网民分析发现者纯粹幻想
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应