72岁程可为约满TVB自由身接job 坦认有一段时间心情好难过
2023-02-07 12:30 
人称「程大姑」的72岁资深演员程可为，自从《美丽战场》和《超能使者》播映完后，有一段时间未有见她的作品推出，反而昨日为港台节目进行拍摄，原来她与TVB的合约已经约满，目前以自由身接工作！程可为在1972年入行后，到了1983年因为移民而离开了电视圈十多年，不过因为太爱演戏的关系，最后1996年回流返港继续拍戏，结果一拍就拍咗27年，今次再度离巢，原来亦有一段故事，她说：「起初无綫唔再包薪同我续约，改为签一年一个骚，我真系有一段时间系好唔开心，好难过，好似畀人离弃咁。不过事后自己放宽去谂，经济唔好再加上我又年纪大，变咗要谂返人哋嘅处境，体谅下人，尽量唔好令自己难过，就会变得开心啲。」目前程可为拍港台电视剧，大部份时间在晚上10点就会收工，甚少会拍到天光，相比之下适合她现时的生活模式。
【点击睇程可为多年剧照】：
入行多年的程可为参与过不少演出，但大多数是获指派母亲或长辈级数角色，其中包括2009年《宫心计》演蔡尚宫及2011年《紫禁惊雷》演太皇太后，她曾经表示：「我系一个冇野心嘅女人，但系好多同期同学以为我系好大野心，记得拍《乘风破浪》嗰阵，我角色好似成日教人、好似要话事咁，可能呢个观念摆在落去佢哋个脑，佢哋觉得我系好大野心，好想向上爬，要做多啲角色出名。我真系冇，觉得自己打份工，从来冇谂过要争出镜，令自己受人注意，我嘅个性唔系咁，所以做咁多年冇咩仇家，冇咩人唔锺意我，原因我根本唔同佢哋抢。做人系要实实际际、脚踏实地，总言之尽自己嘅能力，唔系话一定会成功，但系做乜嘢都要尽力，问心无愧已经OK。」
【其他文章】：
杨思琦仙气古装回春似18岁！惊见撞样多位女星 网民：净系唔似自己
51岁藤原纪香近照曝光！和服Look仙气逼人超冻龄 曾传唐季礼郭富城为她争风呷醋
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应