星8卦｜「潮女」悭家换「长辈级」形象指导 为细路唔介意成身土味
2023-02-14 10:00 
所谓近朱者赤，「潮女」以前同「俊男」拍拖嗰阵，因为「潮男」好舍得买衫，衣著打扮合时宜，顺带影响潮女都身光颈靓。
「潮男」又教女友唔识打扮唔紧要，驶啲钱搵人帮手，仲借埋衫唔驶自己谂，后嚟因为「潮男」唔想结婚，「潮女」又恨生仔，三扒两拨式搵咗「白领」即刻结婚仲三年抱两。
白领无乜本事，「潮女」就当借种，成头家自己养起晒，北上密密食，搵搵埋埋真系唔少嘢。但搵多咗唔代表舍得驶，「潮女」竟然嫌之前嘅形象指导贵，本嚟驶100蚊，依家就听「潮妈」话，用埋同一个形象指导，只系用20蚊，觉得好抵，连「潮妈」都用得，自己悭一截直情化算啦！
问题系「潮妈」几十岁，佢扮潮啲人哋觉得与时并进，但细成30年嘅「潮女」，交俾老人家指导负责，就一个娘字同out字。唔怪得呢几年「潮女」无乜名牌上身，反而多咗乡巴村姑味，初时仲以为佢北上耐咗受感染，原来为咗悭家换人搞形象。都话一分钱一分货，有啲嘢平就未必好。不过「潮女」做咗阿妈心态都变晒，话情愿留啲钱俾啲细路，自己娘唔娘，系见仁见智喎，妈妈真伟大！
【相关文章】：
星8卦｜模范夫妻爆离婚！小云出轨发姣派帽 吉仔用成副身家箍煲
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应