独家丨卫诗雅当网友系Friend行街见到会揽揽 为食KOL为《头条日报》改版拍宣传片

《头条日报》今日会以全新面貌见读者，向来注重生活，识饮识食的卫诗雅（Michelle）获邀拍摄改版宣传片。拥有个人YouTube频道的她每次拍片前，都会睇报纸搵料。由于Michelle在频道中完全冇偶包，有嗰句讲嗰句，贴地表现为她储落大班支持者，Michelle兴奋笑言，「我最开心好似多了一班好朋友，私底下跟网友经常吹水，分享生活大小事。」采访：杜杜 摄影：Stanley 场地：mustard seed co-working space

Michelle平日搵料拍网片，睇报纸绝对是最佳途径。

近排忙于拍剧的Michelle，明显消瘦了不少。

Michelle希望疫情过后社会能快点复常，令工作机会增多。

Michelle由2019年开始经营个人YouTube频道，拥逾16万Followers，共拍下123段片，当中有介绍隐世食店的《卫食攻略》，布置家居实况及推介平靓正生活好物的《悭妹宅急Mi》，还有讲述猫奴生活的《猫Mi日常》及打机直播等，她坦认本身好为食，所以想分享自己饮食品味，她庆幸开设频道后，有机会食到不少偏远店铺的隐世美食。而她平日会睇报纸杂志搜集食肆资料，「譬如近排兴食粤菜，就会搵吓粤菜食店介绍，睇多啲就会知多啲。」

Michelle平日少拍宣传片，这次感觉好有趣。

Michelle笑指制作团队好残忍，因她拍紧剧要忍口，有得睇冇得食甜品。

TG Group招揽为食友

另外，Michelle还会靠身边朋友提供资讯，「𠵱家惯性一见到朋友，第一个问题就问『近排食咗啲咩好嘢』，每个人心入面都会有一两间觉得好好食嘅铺头，我唔会放过呢啲机会。」她开设个人频道后，更储落大批支持者，「𠵱家我有个TG Group，里面有7千几个『卫食自己友』，好锺意食嘢就会入Group，我约人去铜锣湾食嘢，佢哋就会弹一啲觉得好食嘅小店等我去搵。」而她间中试食都会中伏，拍了片都不会上架，「食到唔唔好食，我个样会睇得出，同埋会忍唔住讲『真系麻麻哋』，所以唔好嘥大家时间！」

Michelle的个人YouTube频道「卫诗雅 Michelle Wai」，有逾16万Followers。

Michelle频道中的饮食节目《卫食攻略》开播以来，一直很受网民欢迎。

除了拍饮食片，Michelle更会大胆将乌龙私生活公开，完全唔会犹豫，「慌死冇人知，即刻问人可能有得救，啲网民好醒㗎，有啲急救方法，譬如我个窗帘买短咗，佢哋教放脚，所以千祈唔好怕丑去问，同埋呢个年代，啲人都想睇真实嘅我。」

 

Michelle亦会邀请嘉宾现身个人频道分享所有事，包括Tyson Yoshi。

贴地的Michelle，完全唔介意在《悭妹宅急Mi》公开自己的乌龙事。

快乐拍剧学到新技能

Michelle坦认开频道后，跟观众距离拉得更近，「入屋咗，好似多咗好多朋友，尤其入咗TG Group嗰班，我哋夜晚会倾吓好似屋企人，如果喺街见到，佢哋话系Group嘅，我会走过去揽住佢，好似见到friend嘅感觉，我真系会记得佢哋屋企嘅嘢，所以唔系咩偶像唔偶像，系多咗班朋友。」她相信这班「朋友」，一样会支持她的作品，「首先我哋生活态度都似，大家系贴地啲，又好玩得，好似有班志同道合嘅朋友，有啲新闻出咗我唔知，佢哋会喺Group度讲，我都有信心佢哋会支持我演出。」

Michelle认为跟网友拉近距离后，好似多了一班好朋友。

早前Michelle为ViuTV《让我一次买过够》做嘉宾，分享消费习惯。

鲜有拍剧的Michelle，最近忙于为ViuTV拍都巿爱情剧，虽然时间又长又辛苦，但她乐在其中，「大家好犀利全部系铁人，开嘅钟数比较长，但都好准好快，节奏同拍电影好唔一样，令我学到一样新技能，迫自己千祈唔好病，就算好攰都要同自己讲唔攰唔眼瞓，但系每日好开心，就算听朝开05（朝早5点）都唔会唔想开工，出门心态系『yeah阵间可以一齐玩』，全队crew关系好好。」她又预告有份主演的惊栗片《失衡凶间罪与杀》快将上映，戏中会尝试特技化妆，「有啲造型好恐怖，连我都唔敢睇，仲有好深刻煞科嗰日，要好赶急拍最重要场口，因我哋一拍完就挂8号风球，大家要冲返屋企。」

Michelle很期待跟好拍档主演的《不日成婚2》，能够快点上映。

主力拍电影的Michelle，去年跟师兄谢霆锋完成《海关战线》。

新网站 www.stheadline.com 已推出