独家丨素海霖被开价10万求上牀:我都搵到啦 想全亚洲人都识佢视杨紫琼为目标
2023-03-21 07:00
26岁素海霖(Erena)进军日本AV界成为首位港产女优,消息一出震撼全港,讨论区被其日本艺名「絵丽奈」洗版。连拍两套处女作的她,有日本AV界天王清水健锡住「打真军」,激战期间减轻力度,仲会带住佢转换位置,令贵为做爱KOL的Erena好享受。另外,扬言要成为有影响力女性的Erena,终极目标想成为刚夺奥斯卡影后的杨紫琼,第一步先获亚洲人认识。对于网民臭口称她为「电子鸡」,Erena直认有收过问价但唔会覆,坦言「我都搵到唔会心动。」采访:方骞平 摄影:谭志光
上网自己Check过时辰八字,Erena以艺名素海霖出道。其实她早于2016年以艺名苏浵签约大名娱乐,之后再用真名苏凯琳拍电影《#PTGF出租女友》,Erena否认在娱乐圈捞唔掂才把心一横拍AV:「其实有咁多嘢做唔一定拣呢份工,想有突破要破釜沉舟,系好抟,咁易放开自己,一早有人做咗啦。」Erena拒抗重提旧史因为想保护家人,更坦言家人一定唔支持她的决定:「佢哋都知我任性,会互相尊重,在心中,我都怕亲戚会畀压力佢地。」
林作求救增加持久力
4年前担任Erena英文班补习老师的林作现身爆料:「佢上堂时成日迟到早退,仲迷到呢…」被数的Erena尴尬回应:「你唔好理我啦。」曾被女友裕美取笑得30秒的林作,乘机请教如增加持久力?Erena即赞裕美好劲,令到林作咁快完事,又称跟前度做爱对方亦只能维持1至2分钟,她黑面后觉得对方可爱:「做爱做得太耐女仔好攰,反而锺意多次数,想要咪迫佢罗。」她认为每人享受嘅嘢唔同,她试过最劲一周做爱20次。
私讯下体相要求评价
Erena自公开做AV女优后,IG Follower由8万7千劲升至18万3千,至于卖性感相及片的Patreon,今年初曾加咗两嚿几水,最平月费变$555,但近月食住人气,订阅人数去返早期水平:「香港卖相网市场饱和,我经营咗两年冇晒新鲜感,好彩𠵱家收入多返,都有5位数,每月够我养活自己及照顾到家人少少,我觉得价格合理。」另外,为增加客源,今年初Erena为卖相网增添凸点相。问到最贵月费盛惠$79,280,Erena即Sales上身,「有手动收藏功能,可收藏之前嘅内容。」她行走江湖多年,曾收过大量私讯问价,由几千到十万不等希望有更亲密接触,甚至传下体相求评价。Erena坦言:「卖得相就预咗,我性格癫癫哋㗎,接受能力比较高,明白有啲人要搵位发泄,我心情好咪评论吓罗,但问价就唔会应,我都搵到咁嘅钱唔会心动,应咗佢哋咪以为有机会?」
坚称冇整容唔排除整
对于近日被传媒高度关注,更称为香港之光,Erena用平常心面对:「升得快有可能跌得快,呢段时间睇到好人性一面,边啲人会留喺你身边,唔好将赞美当晒系真。」对于负评,她最介意被闹唔理父母感受:「有留言闹我系『电子鸡』,又话我整容样,我唔会因为咁唔去做,笔钱用嚟生活重要过佢哋抨击我,佢哋够胆咪用真身同我讲罗。」另外,Erena视被指整过容系赞美,「样衰就唔会俾人咁讲。」而记者再三追问下,她坚称冇整过容,但唔排除日本经理人公司会有此要求。最后Erena坚信AV有市场需求:「大部份人锺意做爱多过食饭,只系唔肯认!」
《星岛头条》APP经已推出最新版本,请立即更新,浏览更精彩内容:http://www.stheadline.com/
最新回应