最嬲男友讲「冇所谓啦」港女发火狂闹 网民回应建议出绝招......｜Juicy叮
2023-03-27 07:01 
男朋友挂在口边的「冇所谓啦，你话事得啦」，原来会触怒女朋友。有港女早前以「真系好怕啲人口讲冇所谓，其实最有所谓就系佢」为题发文，力数男友不是。有见及此，网友也破了「宁教人打仔，莫教人分妻」原则，建议分手处理。
楼主呻「男朋友经常话冇所谓啦你话事得啦，其实根本佢就唔系冇所谓只系佢唔想谂」，并举例指「要就佢放假时间拣5月尾去旅行，连拣机票都话冇所谓你话事。想悭啲拣廉航又嫌话冇饭食冇电视睇唔包行李咩都要加钱，拣非廉航又话太贵，不过你锺意啦」。
楼主原文及网民回应：
楼主续称「真系我锺意嘅话我一早拣咗廉航啦，畀佢拖多两拖连廉航个价钱都唔廉」。接著表示「几经辛苦confirm佢请咗假买完机票，开始plan行程book酒店又嚟冇所谓你锺意。谂完住边区酒店又话住咁多日同一个地方好闷，佢话想去温泉酒店，我叫佢搵间佢锺意佢又话唔系你决定咩」。
楼主没好气地称「基本上同佢讲咩佢每句开场白都系冇所谓，但系问佢咁样好唔好之后佢又有好多意见。其实你唔系真系冇所谓就唔好同我讲你冇所谓啦。连平时食咩都话冇所谓，心入面个句你真系冇所谓不如你食屎啦」。
回应的网友大多站于楼主这边，指「咁口不对心好难相处」、「哩啲男人无主见，系咁」、「冇主见男人，一有大获嘢一定闪！」、「讲真，我系男人都好x憎呢d人，难听d讲句正一屎忽鬼」、「出咗事，唔使俾你闹，佢醒目呀」。
另有网民问「系咪你追佢㗎？就得佢咁紧要嘅」、「明显楼主紧条仔好多罗」。由于网友大多怒气冲冲，纷纷建议作分手处理：
•「分手啦！」、
•「飞起佢」、
•「呢种人好无瘾，拍拖咁样无意思」、
•「好明显当你工人啦！忍到就忍，忍唔到就分手罗！」、
•「飞咗佢，根本唔夹，将来人生所有重要决定，佢都系无所谓，痛苦只有你一个」、「好明显当你工人啦！忍到就忍，忍唔到就分手罗！」。
有冷静的网民则提醒「佢可能想就你」、「口头禅嚟啫，唔好咁认真」，建议「开心见诚沟通吓，唔得再想办法。唔好害人害已」，和「叫佢一齐plan啦！我都好怕哩d人，一系plan前问下佢有冇咩特别想去，同埋budget几多」。
有人表明「认真回答」，指「很多人回答『无所谓』、『唔紧要啦』，唔一定要分啱或错，其实是一种保护机制，无论事情以后变得有几差，他好快就会解释，早都话无所谓唔紧要㗎啦！来自我安慰一番。这类人无论对其他人和自己都不愿意付责任，只要一出事就推得一乾二净，而且心安理得，不会有内疚感」。最后有佛系网友出场，指「有机票酒店后，行程是旦都得」。
帖文来源：香港讨论区
相关新闻：
呻与夫平淡如水 人妻发帖围炉竟突然自爆曾有外遇......
同场加映：
情侣庆生「打得火热」蜡烛焫著头发 好事网民想睇埋后续
一对情侣捧著生日蛋糕庆祝生日，蛋糕插著的蜡烛意外烧著只顾接吻的男方头发。黑衣男在与女友嘴对嘴的甜蜜氛围中发现头发著火时一脸茫然，甚至无危机意识地徒手触摸火焰，反而网民懂得紧张发问「佢唔痛㗎咩？」。
有网民以「拍拖拍到自己都变埋生日蛋糕」为题，在facebook讨论区转载一段短片，见到一对情侣甜蜜庆生，在两人吻贺期间，黑衣男的头发被又长又幼的蜡烛烧著。
生日蛋糕焫著头发实况及网民回应：
透过片段目睹事发经过的网友半信半疑，质疑「啲头发有咁容易烧著咩？」，回应的人指「有喷定型水gel就有机会，听讲」、「头发是很容易燃的」、「头发系容易著，但会唔会仲有层发泥发胶？」。
对于这个锡出火画面，好事的网民都饱吃花生，指「果然系『打得火热』呀吓！」、「想睇埋后续」、「好投入，所以要付出」。有人形容为《龙珠》「超级撒亚人嘅火焰」，并提醒「色字头上一把火」。
---
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应