独家丨Gin Lee被嫌闷决心求变跟轩仔学运作IG 想玩真人骚呼吁：素颜都冇问题

2023-04-06 07:00

Gin Lee（李幸倪）去年约满环球，坦认曾经担心同挣扎，更想过做独立歌手，最后于年初宣布签约英皇重新出发。因为被网民嫌人又闷歌又闷，入行14年的她决心求变，打算拍真人骚同搞好社交平台同Fans拉近距离，仲开到口想拍戏。采访：杜杜摄影：Stanley 发型:EveChiu@w work shop 化妆:NatalieSoo@ndnco 服装:CLAUDIE PIERLOT、SANDRO 场地:The Crown@英皇骏景酒店

Gin Lee认为以往太循规蹈矩，难免会令观众觉得闷和有距离感。

Gin Lee坦言约满环球前有段日子相当忐忑，一路考虑续约与否，「嗰段时间好纠结，大家又合作咗好长时间，如果真系要突破，可能要换一个新嘅环境。」不过当时她冇想过放弃歌唱事业，「真系有谂过唔同嘅可能性，但系我最想做嘅都系歌手，系我擅长同埋锺意嘅嘢。」

旧公司约满后，Gin Lee返老家马来西亚休息。

自细模范生唔敢曳

曾考虑做独立歌手的Gin Lee，相对10年前首度约满公司淡定得多，「呢个十字路口唔系第一次经历，10前年同今次分别都几大，当然都有挣扎同不安，但系多咗啲信心，10年前真系一个新人，冇公司真系以后冇得再唱，但10年后都累积咗啲嘢，惊冇得行落去个担忧少好多。」喜爱分享的Gin Lee退休后想做歌唱老师，「希望透过分享，帮到其他人提升唱歌造诣。」

Gin Lee签英皇后推出第一首歌《Dum Dum》走韩式跳唱风，给观众带来惊喜。

Gin Lee签英皇后第一首歌《Dum Dum》，无论曲风同形象都有很大转变，原来她决心求变，推动力来自网民的留言，「话『好闷呀，歌又闷人又闷』，我真系有咁闷咩？！哈哈！熟识我嘅朋友会见到我好玩嘅一面，但我唔可以再咁慢热，𠵱家会提自己活泼啲开心啲，唔好咁惊，可能过去多顾虑。」她所指的顾虑源自从小到大都是模范生，好怕行差踏错，「我由细到大唔系做风纪就系做班长，通常都系领导角色，惯咗好多嘢要稳阵，唔可以出错，无形中特别谨慎，但系我唔可以再咁乖。」

2011年来港发展的Gin Lee，开心12年来歌迷一直支持。

Gin Lee只参与过一次真人骚，就是《声梦传奇》出任导师。

结婚先公开另一半

为了摆脱又乖又闷的Gin Lee，向来爱计划的她，决定不再刻意规划未来的音乐路，不再给自己任何框框，「好想搵唔同嘅可能性，千祈唔好太稳阵，我明确想突破，突破就系要舍弃一啲令我好舒服嘅嘢。」Gin Lee一直恨拍喜剧做打女，签英皇后有望下年实践目标，「喜剧系好大挑战，好笑亦唔系咁易嘅事，想试吓自己得唔得，武打都想，我细个学过跆拳道，希望下一步会做，𠵱家有机会亦有资源同配套去做，但我唔想太贪心，今年目标想出4至5首歌，时间放喺做音乐先。」

Gin Lee很快融入新公司，早前跟艺人同事齐出席活动。

为了拉近跟观众距离，Gin Lee决定豁出去乜都试，首先尝试跟「娱圈IG王」张敬轩学嘢，努力在社交平台跟Fans有更多互动，公开自己最真实一面，简单嚟讲即系贴地啲，「乜嘢真人骚都可以，素颜都冇问题，傻啲唔紧要，𠵱家嘅我偶包可以放低先。」以往Gin Lee的私生活只会提及家人，感情事相当低调，有传她跟圈外有米男友感情稳定，未来这方面会否更透明？「如果只牵涉自己，当然乜都可以讲，会影响其他人生活，会比较小心啲。」她不排除到结婚时才会公开另一半，但刚签约的她承认婚期要等几年，「呢几年想好好把握机会，公司畀咗好多支持同资源我，令我嘅歌唱事业更上一层楼，所以要将多啲精力摆喺事业上。」