获父荫250万资助买楼唔心足？ 港女眼红已婚阿哥住父母大屋｜Juicy叮
2023-04-13 12:44 
有获父荫250万元资助置业的港女，计较胞兄以两个小朋友作藉口，以两房细楼换住父母的3房大屋。网民回应时先开解「一家人何必事事斤斤计较」，另有好心人教路如何见招斥招捍卫「权益」，但也网民非议楼主的想法。
楼主早前以「阿哥用2个小朋友做借口， 要用佢2房换父母3房。」为题在网上「香港讨论区」发文，指「父母生我同哥2个，父母经济条件唔错，亦冇重男轻女， 有资助我同阿哥买楼。我同哥都系买小2房单位，300尾尺至400尺头的2房。而父母住大3房， 实用面积接近800尺，仲要地铁站旁。」
楼主贴文及网民回应：
楼主讲述目前的情况，指出「依家阿哥想用2个小朋友做借口， 要用佢细2房换父母大3房交换住。佢要父母住佢细2房，佢一家4口住父母大3房，因为同区，父母已同意。」接著，楼主称「我谂阿哥会唔会住住吓，当大3房系佢嘅？因为父母绝对唔会因我系女，就待薄我的。只系将来要阿哥交回单位，应该唔易。」
楼主回应网友时透露，「父母都有资助我同阿哥买楼，每人各250万」、「冇分到一间屋，系父母资助我同阿哥各250万买楼，250万作首期」。她并指，「呢的系父母安排，依家好多父母都帮女儿买楼......我父母系新朝派，对儿女一视同仁。我妈仲讲，佢百年后将骨灰洒落花园，不用拜山」。
回应的网民先是开解：
•「最重要系你父母同意了，或者你父母将来都有类似的打算」；
•「你系女嫁咗人，生个细路又唔系同姓，畀你咪姐系益咗外人？」；
•「楼系你父母嘅，佢哋同意有乜问题，到两老走咗、自然系子女一人一半」；
•「你父母同意就可以，况且你哥确系需要大屋。老人家重男轻女都系为咗防女婿~」；
•「有孙，父母点都系钖住啲孙㗎啦，就算你哥唔喉住间屋，将来分身家都一定系佢大份啲」；
•「我谂楼主觉得佢阿哥可以卖2房楼换3房楼。不过，楼主都要预咗层3房楼最后会归你阿哥」；
•「即系细屋系你阿哥，大屋系你父母，你自已都有一间屋。如果系咁，大屋点搅，都系你父母话事，你都好难发表意见」；
•「你咁讲，即是你都谋住间大屋啦！屋又不是你的，父母都同意无问题，你唔好咁多声气好了，多嘢讲，搅到关系唔好有乜谓！始终你都是外嫁女，有层楼畀你已经好好！」；
•「大家一家人又何必斤斤计较，父母又唔系冇俾层楼你，你阿哥真系有需要嘛，你哋都赚咗啦，父母都每人送一层楼啦，你就咁快谂住父母过身份遗产，摆明喉住父母身家......」；
•「其实一家人何必事事斤斤计较？你分到了父母的资助已经很幸福啦，况且你哥是真的急切有实际需要（一家四口住2房真的太小了），而且3房是你父母名字，你哥没可能轻易到手的」。
有好心网民提出办法月见招拆招：
•「如果父母公平，自然心有数！怕咪俾少D家用罗！」；
•「业主系边个，如果两间都系父母，即系你点都有机会有一间。如果大屋系父母，细屋系你呀哥，咪叫你父母立张平安纸，讲明间大屋点去分罗」；
•「你父母咁做无办法喎，睇在两个孙份上。不过交换住系点？业主个名都交换埋？唔搞清楚日后好麻烦。就算你系亲生女都无用，佢哋而家一定系以两个孙孙行先。你怕日后分少一份，系就而家出声抗议」；
不过，因应楼主执著「只系将来要阿哥交回单位，应该唔易。」这点，回应的网民提醒「点解要交返出嚟呀 ? 佢哋住整世㗎......你谂多咗呀」。
有网民非议楼主想法：
•「父母有钱，当然要喉住。你同阿哥两兄妹，佢识计，你都一定识玩，有基因遗传㗎嘛。你哥住大屋已经立即有实利。你可以要求大屋楼契加你名。我估你父母生得你两兄妹出，都唔系白痴。等父母知两兄妹日夜喉住佢两老身家，死都死得安心，唔怕遗产落入外人手」；
•「你都有拎著数，只不过惊自己蚀底咗啫，两兄妹都系废柴，要靠父母就唔好咁计较啦」。
说到尾，楼主坦言......
说到尾，有网友民称「讲到著数，父母兄妹都无情讲，分少啲都法庭见啦！」，但楼主坦言「咁我又唔会法庭见嘅，如果佢霸占我会吵，最后佢唔愿交返出嚟，都只好作摆，搞上法庭只会比律师袋晒」。
帖文来源：香港讨论区
相关新闻：
男家出钱买楼未婚妻求加名做业主 网民献计助准新郎解围
孝顺女付首期冀买楼予父母养老 惟因后续发展呻蠢
买楼自住惨变负资产 港男呻：「日日咁辛苦返工变做义工」
呻父母理财失败斋租唔买楼 港男：谂起要负责佢哋嘅退休人生就惨
公屋妈苦恼送学业平平女儿出国留学 抑或花近百万买楼
27岁港男月入2.9万近半交家用 女友：无首期就分手
同场加映：
小西湾古惑酒楼冒茶客笔迹剔点心 网民一招智破呃钱技俩
有网民踢爆小西湾一间酒楼怀疑行使不实手法，员工竟假冒茶客笔迹加剔点心计钱，当顾客有疑惑时便推说顾客自己划错，踢爆的网民表示自己最后靠一招识破呃钱技俩，幸保不失。
【点击即睇｜酒楼冒茶客笔迹剔点心 古惑呃钱招揭秘↓↓↓↓】
该位网民分享自己经验表示，在上月(10月)底在小西湾一间酒楼，发现多了一碟「药膳凤爪」点心，虽未有剔选，但仍有计钱。
她表示，当向员工反映时竟获告知「顾客自己划错」，当查单时发现有关点心知竟有人假冒其笔迹剔选了额外点心。
这位网民表示，自己最后能成功取消有关点心，因为她在落单时有拍摄下点心纸，「好彩有影底」，有证有据令呃钱技俩无法成功。她分享经验呼吁其他网民「点嘢食记得影埋相留底」。
【点击即睇｜网民妙论酒楼冒茶客笔迹剔点心↓↓↓↓】
网民从楼主分享的相片看到点心纸中，「药膳凤爪」一项的笔迹细心比较有不同之处：「圈都圈得唔同，个口上下。」「应该系一个逆时针画，一个顺时针画。」
有网民亦分享在其他酒楼亦遇过同类事件，批评有部分害群之马利用此方法呃点心钱，不少网民对事件议论纷纷：「我都成日以为自己划错，依家知道真相。」「伪造虚假文书，刑事。」「以后落单都要系个圈隔离签个名先得。」
酒楼埋单争议时有发生，今年4月一名柴湾街坊于社交平台发文指，一家四口到一间连锁酒楼饮茶，结帐时发现帐单将4位茶钱计成47位，职员多番更正仍然出错，引发了一众网民的讨论。
---
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料: https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应