成人教科书丨12岁甜美妹妹习惯P图放上网认为生得靓有着数：叫油鸡饭会畀只鸡髀你

2023-04-19 22:00

洪永城主持的TVB儿童真人骚《成人教科书》上周在「Home Visit」环节，参观香港最富裕印裔家族夏利里拉家族，位于九龙塘犹如皇宫、占地逾5万平方尺的大宅，如同物馆宏伟的装修与摆设令小朋友，以及电视观众都大开眼界。本周《成人教科书》探讨「美丑」主题，其中样子甜美的何朗晴年仅12岁直认有P图习惯：「唔系大部份，有啲啦，唔系全部嘅。」她也认为P图是好事：「因为可以展现自己靓嘅一面。」对于同场12岁洪焯霖认为P图好假，朗晴则说：「唔系叫你P到另一个人咁，你可能影完出嚟身形唔靓，可以帮你执到啱自己要求。朗晴之后更即度自拍示范P图，但同场的3位小朋友却一致认同朗晴真人靓过P图。

【点击睇12岁贪靓朗晴P图】：

《星梦传奇2》亚军黄洛妍自觉并不「靓」：「我觉得自己外表上未必系靓，因为传统嘅靓系要眼大、鼻高同嘴细，亚洲区仲特别要好瘦。」

黄洛妍坦言是小时候最不喜欢的眼睛及嘴巴：「去到一个年纪我就觉得，唔系吖，佢哋几特别吖！」

不过黄洛妍拉小提琴魅力非凡，获小朋友一致封为「100分完美女神」。

小朋友听到如痴如醉，去到本周第三集嘅尾声，都依然有小朋友对佢念念不忘，猛话好锺意Janees姐姐。

刘展霆也认为自己与「传统的靓」有一段距离。

不过朗晴大赞他似BTS成员！

虽然星妤参选过港姐，但原来佢并唔觉得自己靓：「其实我从来唔会觉得自己靓啦，因为靓嘅大有人在。」

李尔晨喺Added Value中因为做错咗一样嘢，令到小朋友对佢减分喎，到底系咩呢？

何朗晴笑容甜美、为人坦白直率又活泼，绝对是本周亮点。

12岁朗晴已经会P图放上网。

更即场示范P图，不过其他人都认为她真人靓过P图。

朗晴最初对于「美丑」的看法是：「我觉得生得靓系有著数，好似你嗌碟油鸡饭，生得靓人哋都可能会畀只鸡脾你。」

朗晴都有玩社交网，不过大部份都经过P图。

原来唔单止人不可以貌相，生果都系！

植物亦一样，望落平凡同丑啲嘅植物，系咪就代表平？

呢两位「幸运儿」，获赐「发型改造」机会。

朗晴整完头明显变得老成。

本周节目还会展示价值150万的名画，个个睇到「下巴跌落地」。

朗晴同焯霖嘅大作，边幅又会多啲人锺意呢？

Tony整辑节目都成功同小朋友打成一片，做咗爸爸果然唔同啲。

昨晚播出的一集请来2021年港姐八强陈星妤、《星梦传奇2》亚军黄洛妍（Janees）、刘展霆（Eden）、李尔晨与4个小朋友互动，其中黄洛妍与刘展霆都认为自己与「传统的靓」有一段距离。黄洛妍直指清楚知道自己并不「靓」：「美丑对于我嚟讲唔系典型嘅靓与唔靓，系一种感觉。我觉得自己外表上未必系靓，因为传统嘅靓系要眼大、鼻高同嘴细，亚洲区仲特别要好瘦。我觉得自己基本上冇样嘢符合，但我由细到大冇乜觉得自己唔靓，我搵到自己靓嘅地方。」

虽然自觉外表不美，但黄洛妍却凭住小提琴令在座四位小朋友听到拍烂手掌之馀，更全线第一时间封她为「100分完美姐姐」：「好锺意佢嗰种态度，好独特」、「我沉醉喺佢音乐入面」、「我觉得佢唔系好靓，但佢用音乐打动我，令我觉得佢更加有魅力同更加靓」。自觉外表输蚀的刘展霆更获贪靓的朗晴大赞似韩国天团BTS成员，睇到心心眼。

朗晴在节目开始时，对「美丑」的看法是：「我觉得生得靓系有着数，好似你嗌碟油鸡饭，生得靓人哋都可能会畀只鸡髀你。」录完三集节目后，朗晴对于美丑不但有了不同的看法，更感叹：「原来我比想像中更加贪靓！虽然我知道靓嘅嘢好快会变得唔靓，但我觉得最紧要系靓咗先吖嘛。」

【其他阅读】：

91岁刘兆铭行动不便要坐轮椅代步依然口齿伶俐同高志森倾足3个半钟

《香港八一》「苏小姐」激罕现身与好友聚会嫁台湾富二代生活无忧依然有星味

金刚34D旧爱自揭初中离家出走遭三男轮奸再被70岁伯伯载到荒山野岭唔敢报警

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ

關鍵字