星8卦丨「大家姐」转脾性要人服侍 事事要求神憎鬼厌

人要变起上嚟真系好似撞鬼咁㗎！「大家姐」出咗名好人，多年嚟亦因为太顺得人，所以好多人都虾到佢几乎冇掟企，搵笨仲要唔畀钱，但风评好好，大家都好尊重佢。以前做完啲工作，「大家姐」总系好有感恩心，会买啲小礼物送畀工作人员，谦虚又踏实。

但「大家姐」自从美梦成真，得到自己恨咗好耐嘅功名终于到手后，佢开始成日畀擦鞋仔埋身，好话讲尽，成个人都飘飘然，成日将自己同另一个「寸嘴」阿姐比较。

人哋有两个近身，佢要求3个，去边都要啲近身出去视察环境返嚟报告，多咗好多功夫要跟进。试过有次近身做得唔够俐落，佢即刻同高层反映，话要炒咗呢个人。大家觉得一份工啫，唔驶去到咁尽，将近身调走，问题就嚟嘞，个个闻「大家姐」丧胆，搞到无人肯跟佢，高层依家真系头都大埋。

最恐怖系「大家姐」专挑鸡毛蒜皮小事化大嚟嘈，好似啲相影得唔靓，会发烂渣闹个摄影师系咪眼盲，要去睇眼科医生，尖酸刻薄到话以后都唔接佢嘅Job，费事人格受辱。仲有呀，去到边大家都要好尊重咁叫佢，叫漏嗰个就会畀人炳，Call番转头再叫过，总之天怒人怨，大家都叫苦连天。

【相关文章】：

星8卦丨「才女」自以为靓恨做幕前未如愿 煽动公司一姐失败即炒

星8卦丨「西瓜」出埠食女戒心重 手段高一晚三个至够数

星8卦丨「花仔」玩到「初心」尽 幸得「叔叔」不计较重拾幸福人生

 

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，WhatsApp 91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ