专栏｜飞脚陷泥沼 宁博红钻反弹

今日除咗有维多利亚一哩赛之外，仲有5场日职赛事。艾尔会同马高、小乔评述浦和红钻对大阪飞脚嘅赛事，希望大家多多支持呀！

应届亚冠杯冠军浦和红钻，上场对希拉尔嘅决赛踢得唔算出色。自从波兰籍监督史高沙执教后，红钻打法都偏向保守。虽然前綫有唔少外援，但系连斯臣、舒侯克等质素一般，「三哥」兴梠慎三又年纪一把。对比广岛三箭、横滨水手等强队，红钻的确有啲差距。

不过，今场红钻嘅对手大阪飞脚更加不堪。艾尔对于球会聘请保耶托斯监督相当有保留，呢位西班牙籍监督当年执教德岛漩涡成绩认真麻麻，打法同样较保守。再睇球队好多巴西外籍兵，但入球能力唔系太强，如果继续咁嘅情况，今届护级形势更加严峻。

虽然红钻已经手握下届亚冠杯入场券，但艾尔相信联赛都唔可以揸流摊。上场输畀鸟栖砂岩，主要因为球队有啲轮换，今次主力阵容出返嚟，相信会有啲唔同。再睇飞脚近5场作客全败，近3场无波入，今次作客埼玉县绝对唔易应付。赛前红钻让球盘让平半，虽然低水啲，但艾尔觉得买得过，而两队打法都系以稳行先，半场和亦可以考虑。艾尔

-----

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ